Արծվիկ Մինասյան. Փաշինյանի հայտարարությունները գնահատում ենք հակապետական, հակազգային23 մայիսի 2023 - 12:57 AMT PanARMENIAN.Net - «Հայաստան» խմբակցության պատգամավոր Արծվիկ Մինասյանն Ազգային ժողովում, անդրադառնալով վարչապետ Նիկոլ Փաշինյանի ասուլիսում հնչած մի շարք հայտարարություններին, որոնք ուղղակի առնչվում են ՀՀ-ի, Արցախի ու հայ ժողովրդի շահերին, հայտարարել է, որ իրենց կողմից դրանք գնահատվում են հակապետական, հակազգային։ Նա, դիմելով ԱԺ նախագահ Ալեն Սիմոնյանին, պահանջել է ԱԺ-ում անմիջապես քննարկումներ սկսել և գնահատականներ տալ։ «Քանի որ դուք ՀՀ-ի և Արցախի միջխորհրդարանական հանձնաժողովների նախագահն եք, ապա հնարավոր համարո՞ւմ եք այս նիստերի ընթացքում քննարկման առարկա դարձնել այդ հայտարարությունները և գնահատական հնչեցնել մեր կողմից որպես հակապետական, հակազգային գնահատվող մոտեցումներին», - ասել է Մինասյանը: Սիմոնյանն ասել է, որ լսումներ անցկացնելու նախաձեռնությամբ հանդես գալը խմբակցությունների իրավունքն է և առաջարկել է անել դա, ինչն իրենք կքննարկեն։ «Ես ամբողջությամբ կիսում եմ վարչապետի հնչեցրած կարծիքները»,–ասել է Սիմոնյանը։ Մինասյանը հակադարձել է, որ, ինչպես պրակտիկան է ցույց տվել, մեծամասնությունը մշտապես նման նախաձեռնությունները մերժում է: «Կանոնակարգ օրենքը նման դեպքերում հնարավորություն է տալիս ձեզ՝ որպես ԱԺ նախագահի, հանդես գալ արտահերթ ուղերձով, հայտարարության նախաձեռնությամբ, որը կարող է առիթ հանդիսանալ նման հարցերի քննարկման համար»,- նշել է նա։ Վարչապետ Նիկոլ Փաշինյանն իր հրավիրած մամուլի ասուլիսում, պատասխանելով այն հարցին, թե ինչ է նշանակում ՀՀ կողմից Ադրբեջանի տարածքային ամբողջականությունը 86,600 քկմ տարածքով ճանաչելը, ասել է, որ 86,600 քառակուսի կմ տարածքը ներառում է նաև Լեռնային Ղարաբաղը։ Փաշինյանն ասել է նաև, որ 86,600 քառակուսի կիլոմետրի մեջ մտնում են նաև անկլավները։ Վարչապետն ուշադրություն է հրավիրել Լեռնային Ղարաբաղի հայության իրավունքների և անվտանգության ապահովման կարևորությանը, ինչը պետք է քննարկվի Ստեփանակերտ-Բաքու ձևաչափով։ Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Ավինյանի գլխավորած պատվիրակությունը մեկնում է Փարիզ Ավինյանը կհանդիպի Անն Իդալգոյի հետ Երևանում վերսկսվել են անհնազանդության ակցիաները․ Ցուցարարները հավաքվելու են Ազատության հրապարակում Ժամը 17։00–ին EBRD միջազգային ֆորումի շրջանակներում կայանալու է միջոցառում, որին մասնակցելու է վարչապետը ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |