ՀՀ ԱԳՆ դիվանագիտական դպրոցն ու Վրաստանի ԱԳՆ դիվանագիտական ինստիտուտը կգործակցեն։ Հայաստանի և Վրաստանի արտաքին գործերի նախարարությունների միջև քաղաքական հերթական խորհրդակցությունների շրջանակում տեղի է ունեցել հանդիպում ՀՀ ԱԳՆ դիվանագիտական դպրոցի տնօրեն, դեսպան Վահե Գաբրիելյանի և Վրաստանի ԱԳՆ Լևան Միքելաձեի անվան դիվանագիտական վերապատրաստման և հետազոտական ինստիտուտի տնօրեն Իրինա Դախունդարիձեի միջև:
Կողմերը քննարկել են դիվանագիտության ոլորտում կրթական երկու հաստատությունների միջև համագործակցության զարգացման և համատեղ ծրագրերի իրականացման հեռանկարները: Ինչպես հայտնում են Հայաստանի դիվանագիտական դպրոցից
Հանդիպմանը հաջորդել է Հայաստանի դիվանագիտական դպրոցի և Վրաստանի դիվանագիտական վերապատրաստման և հետազոտական ինստիտուտի միջև փոխըմբռնման հուշագրի ստորագրման արարողություն:
Հանդիպմանը մասնակցել են նաև երկու երկրի արտաքին գործերի նախարարների տեղակալները, երկու երկրներում հավատարմագրված դեսպանները և այլ բարձրաստիճան դիվանագետներ:
Հունիսի 22-ին Երևանում տեղի են ունեցել քաղաքական հերթական խորհրդակցությունները Հայաստանի Հանրապետության և Վրաստանի արտաքին գործերի նախարարությունների միջև՝ ՀՀ ԱԳ նախարարի տեղակալ Վահան Կոստանյանի և Վրաստանի ԱԳ նախարարի առաջին տեղակալ Լաշա Դարսալիայի գլխավորությամբ: Նախարարի տեղակալ Կոստանյանը վրացական կողմին է ներկայացրել Ադրբեջանի կողմից այս օրերին իրականացվող ագրեսիվ գործողությունները, որոնք վտանգում են Հարավային Կովկասում կայունությունը և խաղաղությունը։ Ընդգծվել է Լաչինի միջանցքի ապօրինի շրջափակման հետևանքով Լեռնային Ղարաբաղում ստեղծված հումանիտար ճգնաժամի շուտափույթ հասցեագրման կարևորությունը։
