Պապիկյանի այցը Կիպրոս հետաձգվել է 7 սեպտեմբերի 2023 - 18:06 AMT PanARMENIAN.Net - ՀՀ պաշտպանության նախարար Սուրեն Պապիկյանի այցը Կիպրոս հետաձգվել է: Տեղեկությունը հաստատել է ՊՆ խոսնակ Արամ Թորոսյանը, հայտնում է Aysor.am-ը։ «Հաստատում եմ, որ պաշտպանության նախարարի՝ Կիպրոսի Հանրապետություն նախատեսված այցը հետաձգվել է», - ասել է Թորոսյանը։ Պատճառների մասին նա չի նշել։ Բանակցությունները պետք է տեղի ունենային սեպտեմբերի 7–ին Նիկոսիայում։ Կիպրոսի կառավարության մամուլի և տեղեկատվության բյուրոյի տարածած հաղորդագրության համաձայն՝ այցը հետաձգվել է տարածաշրջանում իրավիճակի վատթարացման պատճառով։ ՀՀ և Կիպրոսի պաշտպանության նախարարներ Սուրեն Պապիկյանն ու Միխալիս Յորղալլասը սեպտեմբերի 7–ին հեռախոսազրույց են ունեցել, որի ժամանակ, ըստ Կիպրոսի կառավարության մամուլի և տեղեկատվության բյուրոյի, նշվել է, որ այցը կհետաձգվի «հայ-ադրբեջանական հարաբերությունների վատթարացման պատճառով»։ Վերջին շրջանում Ադրբեջանը պարբերաբար ապատեղեկատվություն է տարածում հայկական կողմի իբր սադրանքի կամ կուտակումների մասին, ինչն արվում է նույնիսկ օրը մի քանի անգամ։ Միաժամանակ ադրբեջանական ԶՈւ կուտակումներ են նկատվում ինչպես ՀՀ հետ սահմանին, այնպես էլ ԼՂ հատվածում։ Հայաստանում տեղակայված Եվրամիության դիտորդական առաքելությունը լարվածության աճ է գրանցել ՀՀ սահմաններին։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
