Երուսաղեմի հայկական թաղամասի վրա հարձակվել են, կան վիրավորներ29 դեկտեմբերի 2023 - 14:47 AMT PanARMENIAN.Net - Դեկտեմբերի 28–ին՝ կեսօրին մոտ, ավելի քան 30 դիմակավորված զինված անձ ներխուժել է Երուսաղեմի հայկական թաղամասի «Կովերի պարտեզի» տարածք և հարձակվել եպիսկոպոսների, քահանաների, հայ համայնքի այլ ներկայացուցիչների վրա։ Կան ծանր վիրավորներ։ Այդ մասին հայտնել է Երուսաղեմի Հայոց պատրիարքությունը: «Սա այն հանցավոր պատասխանն է, որը մենք ստացել ենք Երուսաղեմի շրջանային դատարան «Կովերի պարտեզ»-ի հարցով հայց ներկայացնելու համար», - ասված է պատրիարքության նամակի մեջ, տեղեկացնում է «Ազատությունը»։ Նամակում կոչ է արվում ամբողջ աշխարհի երկրների իշխանություններին և միջազգային լրատվամիջոցներին օգնել փրկել հայկական թաղամասը «բռնի կործանումից»: «Թաթոյան հիմնադրամի» ղեկավար, նախկին ՄԻՊ Արման Թաթոյանն էլ իր հերթին է հայտարարությամբ հայտնել, որ այս հարձակման մասին ահազանգեր են ստացել։ Ըստ այդմ, հարձակման ենթարկված հայ համայնքի երկու ներկայացուցիչ բերման է ենթարկվել և գտնվում է ոստիկանությունում։ Նա նշել է, որ ոստիկանություն են տարվել հարձակումն իրականացրած զինված խմբի մի շարք անդամներ։ Երուսաղեմի փոխքաղաքապետ Ֆլեր Հասան-Նահումի փոխանցմամբ՝ «որոշ արաբ մահմեդական տղամարդիկ և հայ համայնքի ներկայացուցիչներ ծեծկռտուքի մեջ են մտել Երուսաղեմի հին քաղաքում»։ Նրա հաղորդմամբ՝ կողմերին բաժանելու համար ոստիկանությունը երկու կողմից էլ անձանց է ձերբակալել։ Հայ առաքելական եկեղեցու Երուսաղեմի պատրիարքության առաջնորդ Նուրհան արքեպիսկոպոս Մանուկյանն անձամբ ստորագրել էր «Կովերի պարտեզի» տարածքը 99 տարով վարձակալության հանձնելու մասին պայմանագիրը գործարար Դենիել Ռուբինշտեյնին՝ հյուրանոց կառուցելու համար: Հայ համայնքը Երուսաղեմում պարբերաբար բողոքի ակցիաներ էր անցկացնում այս գործարքի դեմ։ Ավելի ուշ պատրիարք Նուրհան արքեպիսկոպոս Մանուկյանն այցելել է հին քաղաքի հայկական թաղամասի «Կովերի պարտեզի» պատնեշված հատվածը և իր աջակցությունը հայտնել թաղամասը փրկելու շարժման ակտիվիստներին և հայտարարել, որ «ինչ հայկական է, հայկական է մնալու»։ Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով |