ՌԴ խաղաղապահները հեռացել են Դադիվանքի տարածքից

ՌԴ խաղաղապահները հեռացել են Դադիվանքի տարածքից

PanARMENIAN.Net - Արցախում տեղակայված ՌԴ խաղաղապահները, որոնք շարունակում են մնալ այնտեղ ԼՂ բնակիչների բռնի տեղահանությունից հետո, հեռացել են Դադիվանքի տարածքից։

Ինչպես գրում է ադրբեջանական APA-ն, դրանով սկսվել է ռուս խաղաղապահների դուրսբերման գործընթացը։

Ապրիլի 16–ի հրապարակման մեջ ասվում է, որ ռուս խաղաղապահներն ու ռազմատեխնիկան հեռացել են Դադիվանքի տարածքից մի քանի օր առաջ։ Նշվում է նաև, որ այժմ այնտեղ տեղակայվել են ադրբեջանցի ոստիկանները։

Ադրբեջանական լրատվամիջոցները խեղաթյուրում են Դադիվանքի անվանումն ու այն «աղվանական վանք» անվանում։

ՌԴ խաղաղապահները տեղակայվել էին Դադաիվանքի տարածքում 2020–ի նոյեմբերի 9–ւ ՀՀ, ՌԴ և Ադրբեջանի ղեկավարների եռակողմ հայտարարության համաձայն։ 2020-ի դեկտեմբերին հայտարարվել էր, որ մոտ ապագայում ԼՂ հուշարձանների ուսումնասիրությամբ կզբաղվի ՅՈւՆԵՍԿՕ–ի հանձնաժողովը, ինչին ՌԴ–ն պատրաստ է աջակցել։

Սակայն, 2021-ի մայիսից հայ ուխտավորներն այլևս չէին կարողանում մտնել Դադիվանք։ Մինչ այդ նրանք խմբերով, ռուս խաղաղապահների ուղեկցությամբ, այցելում էին Դադիվանք, իսկ հայ հոգևորականները վանքում պարբերաբար պատարագներ էին մատուցում։

 Ուշագրավ
Կողմերը քննարկելու են նաև համագործակցությունը նավթագազային ոլորտում
Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
---