Երիտասարդ փորձագետները մտադիր են մշակել «Հայաստանի դիվանագիտության ռազմավարությունը»

PanARMENIAN.Net - «Պորֆեսիոնալներ» Հասարակական քաղաքականության ինստիտուտը հանդես է եկել «Հայաստանի դիվանագիտության ռազմավարության» մշակման նախաձեռնությամբ: Ինչպես պատմել են ինստիտուտի ներկայացուցիչները, Ազգային անվտանգության ռազմավարությունն ու Հայաստանի Ռազմական դոկտրինան, որոնք մշակվել են 2 տարի առաջ, երբ տարածաշրջանում եւ աշխարհում բոլորովին այլ իրադրություն էր, այսօր փոփոխությունների կարիք ունեն:



Ինստիտուտի փորձագետների կարծիքով, ազգային անվտանգության առկա ռազմավարությունը չի համապատասխանում ժամանակի պահանջներին եւ Հայաստանի առջեւ ծառացած նոր մարտահրավերներին: «Առաջարկվող նախագծի էությունը կայանում է հարցերի լայն շրջանակում բազմավեկտոր մասնագիտական լուծումների որոնման եւ ընտրման մեջ, որոնք բնորոշում են երկրի մարտավարական քայլերը նոր ժամանակի մարտահրավերների հիման վրա»,- PanARMENIAN.Net ի թղթակցի հետ զրույցում պարզաբանել է Հասարակական քաղաքականության ինստիտուտի տնօրեն Հովհաննես Նիկողոսյանը:



Ենթադրվում է, որ ծրագիրը կիրականացվի 4 փուլով` յուրաքանչյուրը 3 ամիս տեւողությամբ: Ամեն փուլ նախատեսում է փակ քննարկումներ եւ կլոր սեղաններ հանձնարարված թեմայով, որից հետո նախնական արդյունքները կներկայացվեն հասարակական քննարկման: Առաջարկությունների ողջ փաթեթի վերջնական տարբերակի կազմավորումից հետո կկայանա դրա շնորհանդեսը Երեւանում ու Ստեփանակերտում:



Ներկայումս կատարվող գործընթացների հետազոտման եւ միջին կանխատեսումների համար «Պորֆեսիոնալներ» ինստիտուտը ծրագրում է չեզոք, ապաքաղաքականացված խմբի ստեղծում երիտասարդ մասնագետներից: Դրա հետ մեկտեղ ինստիտուտը պատրաստ է նաեւ բոլոր շահագրգռված կազմակերպությունների եւ անկախ փորձագետների հետ համագործակցության: