ՔՊ-ում բացառում են կոալիցիան Վարդան Ղուկասյանի հետ՝ նպատակ ունեն հաղթել Գյումրիում

PanARMENIAN.Net - «Քաղաքացիական պայմանագիր» խմբակցության քարտուղար Արթուր Հովհաննիսյանը խորհրդարանում ճեպազրույցի ժամանակ, անդրադառնալով մարտի 30-ին Գյումրիում կայանալիք արտահերթ ընտրություններին, բացասական պատասխան է տվել այն հարցին, թե արդյոք ՔՊ-ն պատրաստ է ձևավորել կոալիցիա Գյումրիի նախկին քաղաքապետ Վարդան Ղուկասյանի հետ։

Նա հավելել է, որ պատրաստվում են հաղթել Գյումրիում, գրում է Panorama.am-ը։

«Ոչ միանշանակ, մենք ձեր նշած անձնավորության մասին գնահատականները մանրամասն ձևակերպել ենք: ՔՊ կուսակցությունը պատրաստվում է հաղթել Գյումրու առաջիկա ընտրություններում։

Մենք գնում ենք Գյումրիում հաղթանակի՝ ապահվելու գյումրեցիների բարեկեցիկ կյանքը, ապագան, լուծելու խնդիրները, վերականգնելու արդյունավետ կառավարումը»,–ասել է նա։

GALLUP International Association-ի Գյումրիում անցկացրած հարցման տվյալներով՝ հարցվածների կեսից ավելին՝ 52.9%-ը, ծանոթ չէ Գյումրիում ընտրություններին մասնակցողկուսակցությունների և դաշինքների նախընտրական ծրագրերին:

ՏԻՄ ընտրությունները Գյումրիում կայանալու են մարտի 30–ին։