ՀՀ սահմանների ապօրինի հատումների թիվը կրկնակի աճել է

PanARMENIAN.Net - Հայաստանի պետական սահմանի ապօրինի հատումների թիվը 2024 թվականին զգալիորեն աճել է՝ գրանցելով գրեթե կրկնակի աճ՝ նախորդ տարվա համեմատ։

Գլխավոր դատախազության 2024 թվականի գործունեության վերաբերյալ հաշվետվության համաձայն՝ անցած տարում արձանագրվել է պետական սահմանն ապօրինի հատելու 160 դեպք, մինչդեռ 2023 թվականին այդ թիվը կազմել է 78:

Այսպիսով՝ կատարված խախտումների քանակը ավելացել է 82-ով կամ 105.1 տոկոսով:

2024 թվականին արձանագրվել է նաև անօրինական միգրացիայի կազմակերպման 15 դեպք, այն դեպքում երբ 2023 թվականին այդպիսի դեպքերի թիվը եղել է 24` դեպքերը 9-ով պակասել են։