«ԱրմենՏելն» ընդլայնում է ռոումինգ ծառայությունների տեսականին ու աշխարհագրությունը

PanARMENIAN.Net - «ԱրմենՏել» ՓԲԸ (ապրանքանիշը` Beeline) հայտարարում է միջազգային ռոումինգի աշխարհագրության ընդլայնման մասին: Այժմ Beeline բջջային կապի բաժանորդները հնարավորություն են ստացել օգտվելու միջազգային GPRS ռոումինգից Պորտուգալիայում, Սերբիայում եւ Բանգլադեշում եւ 3G ռոումինգից` Եգիպտոսում, ասվում է ընկերության մամլո հաղորդագրության մեջ:



«Մենք անընդհատ ընդլայնում ենք առաջարկվող ռոումինգ-ծառայությունների տեսականին եւ աշխարհագրությունը: Այժմ խոսքը վերաբերում է ոչ միայն ճանապարհորդության ընթացքում հասանելի լինելուն, այլեւ մեր ընկերության կողմից մատուցվող բոլոր ծառայություններից օգտվելուն` լինելով Հայաստանի սահմաններից դուրս: Ժամանակակից տեխնոլոգիաները իսկապես միավորում են աշխարհը, եւ մենք հպարտ ենք այդ գործընթացում մեր ներդրումն ունենալու», - հայտնեց «ԱրմենՏել» ՓԲԸ հասարակայնության հետ կապերի ծառայության ղեկավար Անուշ Բեղլոյանը:



«ԱրմենՏել»-ի GPRS ռոումինգը հասանելի է հիսուն երկրներում, իսկ 3G ռոումինգը` տասնվեց երկրներում: Գլոբալ ռոումինգի ծառայությունները ներառյալ, այսօր «ԱրմենՏել»-ի ռումինգ գործընկերների թիվը կազմում է 440 օպերատոր աշխարհի 210 երկրներում, հաղորդում է «ԱրմենՏելի» մամլո ծառայությունը:
 Ուշագրավ
Ընկերության համահիմնադիր Դավիթ Բաղդասարյանի խոսքով՝ ներդրման ընդհանուր չափը $17․5 մլն է
Խոսելով Ինժեներական քաղաքի մասին՝ Արշակյանը տեղեկացրել է, որ 7 ընկերություն հայտ է ներկայացրել
Krisp-ը 1 տարվա ընթացքում 0-ից 600 կորպորատիվ բաժանորդ է ձեռք բերել
«Չհամաձայնվելու դեպքում հստակ հայտնել են, որ ինձ մեղադրելու են առանձնապես ծանր հանցագործության մեջ և կալանավորելու»,- ասվում է հայտարարության մեջ