  ԱԽ քարտուղար. Ապաշրջափակումը պետք է տեղի ունենա երկրների ինքնիշխանության պահպանմամբ 26 մայիսի 2025 - 18:38 AMT PanARMENIAN.Net - ԱԽ քարտուղար Արմեն Գրիգորյանն «Երևանյան երկխոսություն» երկրորդ միջազգային ֆորումի շրջանակում մասնակցել է «Հարավային Կովկասը որպես ռազմավարական հանգույց. առևտրի և կապի մարտահրավերներն ու հնարավորությունները» թեմայով կազմակերպված պանելային քննարկմանը՝ խոսելով ապաշրջափակման մասին։ «Ապաշրջափակումը պետք է տեղի ունենա երկրների ինքնիշխանության և իրավազորության պահպանմամբ, ինչպես նաև փոխադարձության ու իրավահավասարության սկզբունքների շրջանակում»,–ասել է նա։ Անդրադառնալով իրեն ուղղված հարցերին, մասնավորապես՝ «Խաղաղության խաչմերուկ» նախագծին՝ նա նշել է, որ ՀՀ կառավարության կողմից ներկայացված այդ նախաձեռնությունն ուղղված է տարածաշրջանի հաղորդակցման ուղիների ապաշրջափակմանը, կայունության ձևավորմանը և տնտեսական համագործակցության խորացմանը, ինչը, իր հերթին, պայմաններ է ստեղծում փոխկախվածության համար տարածաշրջանի ներսում։ Նա նաև ընդգծել է, որ նախագիծը դիտարկվում է որպես խաղաղության գործընթացի բաղադրիչ մաս։ Կառավարությունը մշակել և ներկայացրել է «Խաղաղության խաչմերուկ» նախագիծը, որի առանցքում Հայաստանի, Թուրքիայի, Ադրբեջանի, Իրանի միջև կոմունիկացիաների զարգացումն է՝ ճանապարհներ, երկաթուղիներ, խողովակաշարեր, մալուխներ, էլեկտրահաղորդման գծեր նորոգելու, կառուցելու, գործարկելու միջոցով: Բոլոր ենթակառուցվածքները, ներառյալ ճանապարհները, երկաթուղիները, օդային ուղիները, խողովակաշարերը, մալուխները և էլեկտրահաղորդման գծերը գործելու են այն երկրների ինքնիշխանության և իրավազորության ներքո, որոնցով անցնում են։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
