  Միրզոյան. TRIPP-ի իրագործման մանրամասները դեռ պիտի հստակեցվեն ՀՀ և ԱՄՆ-ի միջև 14 հոկտեմբերի 2025 - 14:31 AMT PanARMENIAN.Net - Հայաստանի արտաքին գործերի նախարար Արարատ Միրզոյանը ԵԱՀԿ գործող նախագահ, Ֆինլանդիայի արտգործնախարար Էլինա Վալտոնենի հետ համատեղ ասուլիսում մանրամասներ է ներկայացրել TRIPP-ի կյանքի կոչման գործընթացից` ընդգծելով ԱՄՆ-ի հետ համագործակցության կարևորությունը և շեշտելով, որ որոշ դետալներ դեռ հստակեցման փուլում են։ «Երկաթուղու այն հատվածը, որն անցնելու է Հայաստանի հարավով, կոչվելու է TRIPP, իր հստակ անվանումն ու սկզբունքներն ունի: Այդ սկզբունքներն են տարածքային ամբողջականությունը, սահմանների անձեռնմխելիությունը, ինքնիշխանությունը, երկրների իրավազորությունը այդ ենթակառուցվածքների նկատմամբ, և, իհարկե, փոխադարձությունը: Երբ կունենանք վերջնական ամբողջական պատկերացում, կհանրայնացնենք դրանք: Մանրամասները դեռ պիտի հստակեցվեն Հայաստանի և ԱՄՆ-ի միջև»,- ասել է Միրզոյանը, հայտնում է Արմենպրեսը։ Միրզոյանը հատուկ ընդգծել է, որ TRIPP նախագծի վերաբերյալ այս պահին համաձայնեցվել է միայն այն, ինչը պաշտոնապես հրապարակվել է։ Վաշինգտոնում 2025 թվականի օգոստոսի 8-ին Հայաստանի վարչապետ Նիկոլ Փաշինյանը, Ադրբեջանի նախագահ Իլհամ Ալիևը և ԱՄՆ նախագահ Դոնալդ Թրամփը ստորագրել են հռչակագիր, որի մի դրույթով սահմանվում է, որ Հայաստանի Հանրապետությունը համագործակցելու է Ամերիկայի Միացյալ Նահանգների և փոխադարձ համաձայնեցված երրորդ կողմերի հետ՝ Հայաստանի տարածքում «Թրամփի ուղի՝ հանուն միջազգային խաղաղության և բարգավաճման» հաղորդակցության նախագծի իրականացման շրջանակը որոշելու նպատակով։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
