  Փաշինյանն ու Սանդուն քննարկել են երկկողմ համագործակցության ու խաղաղության հեռանկարները 30 հոկտեմբերի 2025 - 10:38 AMT PanARMENIAN.Net - Փարիզում անցկացվող խաղաղության ֆորումի ընթացքում կայացել է Հայաստանի վարչապետ Նիկոլ Փաշինյանի հանդիպումը Մոլդովայի նախագահ Մայա Սանդուի հետ: Փաշինյանն իր շնորհավորանքներն է հղել նախագահ Սանդուին՝ վերջերս կայացած նախագահական ընտրություններում արձանագրած հաղթանակի կապակցությամբ՝ մաղթելով նրան նոր ձեռքբերումներ Մոլդովայում ժողովրդավարության առաջխաղացման ճանապարհին։ Սանդուն իր հերթին շնորհավորել է Վարչապետ Փաշինյանին՝ օգոստոսի 8-ին Վաշինգտոնում ձեռքբերված պայմանավորվածությունների և տարածաշրջանային կայունության հաստատման ուղղությամբ Հայաստանի հետևողական քայլերի համար։ Զրուցակիցները անդրադարձ են կատարել Հայաստանի և Մոլդովայի միջև հարաբերությունների զարգացման հնարավորություններին, ժողովրդավարական բարեփոխումների ընթացքին, ինչպես նաև տարածաշրջանային անվտանգությանն առնչվող հարցերին։ Կողմերը վերահաստատել են, որ կարևորում են միջազգային հարթակներում փոխաջակցությունը և պատրաստ են խորացնել երկկողմ համագործակցությունը։ Վարչապետ Փաշինյանն ու նախագահ Սանդուն համակարծիք են եղել, որ անհրաժեշտ է պահել շարունակական և կառուցողական երկխոսության մակարդակը։ Ավելի վաղ Մոլդովայի ղեկավար Մայա Սանդուն հայտարարել էր, որ Ռուսաստանը փոխում է իր արտաքին քաղաքականության ուղեգիծը՝ նպատակ ունենալով մեծացնել իր ազդեցությունը այն պետություններում, որտեղ առաջիկայում նախատեսվում են ընտրություններ։ Նա ընդգծել է, որ այդ գործընթացի շրջանակում Կրեմլը կարող է փորձել վերահսկողություն հաստատել Հայաստանի ներքաղաքական գործընթացների նկատմամբ:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
