Բաբայան․ Քննիչն ասել է, որ Արշակ սրբազանի գործով ապացույցը չի կորել

PanARMENIAN.Net - Մայր Աթոռ Սուրբ Էջմիածնի դիվանապետ Արշակ արքեպիսկոպոս Խաչատրյանի կալանքը երկարաձգելու որոշումը բողոքարկվելու է: Այդ մասին Դատական նիստից հետո լրագրողների հետ զրույցում ասել է նրա փաստաբան Արսեն Բաբայանը:

Անդրադառնալով տեղեկություններին, որ գործով իրեղեն ապացույցը կորել է՝ Բաբայանը փոխանցել է, որ քննիչը հերքել է այդ տեղեկությունը՝ նշելով, որ ոչ մի ապացույց չի կորել, հայտնում է Aysor.am-ը:

Նա հայտարարել է, որ կալանքը երկարաձգելու որոշումը նշանակում է, որ շարունակվում են եկեղեցու դեմ ճնշումները:

Նա նաև հայտնել է, որ սահմանափակվել են տեսակցությունները, սրբազանին կարող են տեսնել միայն նրա քրոջ երեխաները:

Արշակ Սրբազանի կալանքը երկարացվել է ևս երկու ամսով՝ դատարանի որոշմամբ։

Արշակ արքեպիսկոպոս Խաչատրյանի նկատմամբ հարուցված է հանրային քրեական հետապնդում՝ մի խումբ անձանց նախնական համաձայնությամբ թմրամիջոց իրացնելու մեղադրանքով։

Արշակ սրբազանը ձերբակալվել է դեկտեմբերի 4-ին՝ ԱԱԾ-ի կողմից, Քննչական կոմիտեի շենքում։ Կալանավորումը կատարվել է հաջորդ օրը՝ դեկտեմբերի 5-ին։