  ԱԺ-ում ԵԱՀԿ/ԺՀՄԻԳ ներկայացուցիչների հետ քննարկվել են առաջիկա ընտրություններին առնչվող հարցեր 13 փետրվարի 2026 - 12:23 AMT PanARMENIAN.Net - Ազգային ժողովում տարբեր խմբակցությունների և մշտական հանձնաժողովների ներկայացուցիչները փետրվարի 12-ին հանդիպում են ունեցել Եվրոպայում անվտանգության և համագործակցության կազմակերպության ժողովրդավարական հաստատությունների և մարդու իրավունքների գրասենյակի (ԵԱՀԿ/ԺՀՄԻԳ) ընտրական կարիքների գնահատման առաքելության անդամների հետ։ ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը և ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը առաքելության ներկայացուցիչների հետ քննարկել են առաջիկա ընտրական գործընթացներին առնչվող հարցեր՝ կարևորելով ազատ, արդար, թափանցիկ և միջազգային չափանիշներին համապատասխան ընտրությունների անցկացումը։ Նույն օրը առաքելության անդամների հետ հանդիպում են ունեցել նաև ԱԺ «Հայաստան» խմբակցության քարտուղար Արծվիկ Մինասյանը, խմբակցության պատգամավորներ Արթուր Խաչատրյանը և Աննա Գրիգորյանը։ Քննարկման ընթացքում անդրադարձ է կատարվել 2026 թվականի հունիսին նախատեսված խորհրդարանական ընտրություններին նախորդող զարգացումներին, ինչպես նաև ՀՀ Ընտրական օրենսգրքին, վարչական ռեսուրսի չարաշահման կանխարգելմանը, ընտրացուցակներին և քաղաքական ուժերում կանանց ներգրավվածությանը վերաբերող հարցերին։ Առաքելության ներկայացուցիչների հետ հանդիպել են նաև ԱԺ պետական-իրավական հարցերի մշտական հանձնաժողովի նախագահ Վլադիմիր Վարդանյանը և հանձնաժողովի նախագահի տեղակալ Արուսյակ Ջուլհակյանը։ Պատգամավորները պատասխանել են պատվիրակության հարցադրումներին՝ ներկայացնելով դիրքորոշումներ ընտրական օրենսդրության և ընտրական գործընթացների կազմակերպման վերաբերյալ։ ԵԱՀԿ/ԺՀՄԻԳ ընտրական կարիքների գնահատման առաքելությունը Հայաստան է ժամանել հունիսին նախատեսված խորհրդարանական ընտրություններից առաջ՝ ընտրական միջավայրի գնահատում իրականացնելու և համապատասխան առաջարկություններ ներկայացնելու նպատակով։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
