Էրիկ Ալեքսանյանն ու Արուսյակ Ալեքսանյանը մեղավոր են ճանաչվել 16 մարտի 2026 - 17:06 AMT PanARMENIAN.Net - Հակակոռուպցիոն դատարանը, դատավոր Վահե Դոլմազյանի նախագահությամբ, հրապարակել է փաստաբան Էրիկ Ալեքսանյանի, լիազորությունները կասեցված դատավոր Արուսյակ Ալեքսանյանի և նրա օգնական Թամարա Գասպարյանի գործով վերդիկտը։ Նրանք մեղավոր են ճանաչվել, հայտնում է «Փաստինֆոն»: 2022 թվականի հոկտեմբերի 17-ին ԱԱԾ ծառայողները մտել են դատարանի շենք և ձերբակալել դատավոր Արուսյակ Ալեքսանյանին և փաստաբան Էրիկ Ալեքսանյանին։ ՀՀ գլխավոր դատախազը Բարձրագույն դատական խորհուրդ միջնորդություններ է ներկայացրել՝ թույլտվություն ստանալու քրեական հետապնդում սկսելու և դատավորին ազատությունից զրկելու համար, որոնք ժամեր տևած քննությունից հետո բավարարվել են։ Քրեական վարույթը կապված է քրեական հեղինակությանն առնչվող գործի հետ։ Մասնավորապես, դատարանը գրավի դիմաց ազատ է արձակել «Ֆազ» մականունով հայտնի քրեական հեղինակություն համարվող Սերգեյ Գրիգորյանին՝ բավարարելով նրա պաշտպան Էրիկ Ալեքսանյանի ներկայացրած միջնորդությունը։ Դրանից հետո ԱԱԾ-ն դատավոր Արուսյակ Ալեքսանյանին մեղադրել է ակնհայտ անարդար դատական ակտ կայացնելու և պաշտոնեական լիազորություններն անցնելու մեջ։ Նույն վարույթի շրջանակում մեղադրանք է առաջադրվել նաև փաստաբան Էրիկ Ալեքսանյանին, որին ԱԱԾ-ն մեղադրել է դատավորին պաշտոնեական լիազորություններն անցնելու հարցում օժանդակելու մեջ։ Պաշտպանների գնահատմամբ՝ որպես «օժանդակություն» դիտարկվել է այն, որ փաստաբան Էրիկ Ալեքսանյանը, օգտվելով իր փաստաբանական լիազորություններից, միջնորդություն է ներկայացրել իր պաշտպանյալի նկատմամբ ընտրված խափանման միջոց կալանավորումը վերացնելու և այլընտրանքային խափանման միջոց կիրառելու վերաբերյալ։ Արուսյակ Ալեքսանյանը, դատավորի օգնական Թամարա Գասպարյանը և փաստաբան Էրիկ Ալեքսանյանը իրենց ներկայացված մեղադրանքները չեն ընդունում։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
