Ամերիաբանկի վարկային պորտֆելում չաշխատող կրեդերի կշիռը կազմում է 0,6%23 հունիսի 2009 - 18:03 AMT PanARMENIAN.Net - Ամերիաբանկի վարկային պորտֆելում չաշխատող կրեդերի կշիռը կազմում է 0,6%, հայտնել է Ամերիաբանկի զարգացման գծով տնօրեն Տիգրան Ջրբաշյանը: Նրա խոսքով, այդ ցուցանիշն ամենացածրն է Հայաստանի բանկային համակարգում, քանի որ բանկի գործունեությունը հիմնականում ուղղված է խոշոր կորպորատիվ հաճախորդների սպասարկմանը, եւ այստեղ հեշտ է հետեւել ռիսկերին (բանկի պարտատերերի ցուցակը տեղավորվում է երկու էջի վրա):Այդ կապակցությամբ Ջրբաշյանը նշել է, որ անցյալ եռամսյակի արդյունքներով, Հայաստանի բանկային համակարգում չաշխատող վարկերի միջին մակարդակը կազմում է 7,8%, ընդ որում որոշ բանկեր մոտ են սահմանային մակարդակին` 15-20%: «Այդ ցուցանիշով միջինը հայկական բանկերն ունեն «անվտանգության բարձիկ», բայց մենք ավելի կոշտ մոտեցում ենք գերադասում ռիսկերի գնահատման հանդեպ, եւ, ըստ իս, անհրաժեշտ է պատրաստ լինել այն դեպքին, եթե իրադրությունը վատթարանա»,- ասել է նա: Ամերիաբանկի զարգացման գծով տնօրենը բանկային համակարգում իրադրությունը դրական է գնահատել` նշելով, որ հայկական բանկերը բավական կապիտալիզացված են, իսկ Հայաստանի բանկային համակարգում իրադրությունը կայուն եւ հուսալի է: «Մեր բանկային համակարգի համեմատական կայունությունը բացատրվում է նրանով, որ կարգավորողի կողմից ռիսկերի գնահատման պահանջները կրկնակի խիստ էին այն պահանջներից, որոնք կիրառվում են, օրինակ, ռուսական բանկերի հանդեպ»,- պարզաբանել է Ջրբաշյանը: Խոսելով այն խնդիրների մասին, որոնց հետ ճգնաժամի պայմաններում բախվել է Հայաստանի բանկային համակարգը, Ջրբաշյանը նշել է վարկերը չվերադարձնելու եւ գրավներ/վարկեր հարաբերակցության կրճատման խնդիրները, քանի որ բանկի բիզնես-ծրագիրը մշակվել է 2008թ. անկայունության պայմաններում, որի արդյունքում Ամերիաբանկը պատրաստ էր դեպքերի վատագույն զարգացմանը: Իսկ ինչ վերաբերում է վարկային պորտֆելի չափերին, ապա, Ջրբաշյանի խոսքով, ծրագրվում է այն մի քանի միլիարդ դրամի հասցնել 2009-ի վերջին: «Մենք արդեն ունենք պոտենցիալ հաճախորդների հայտեր, եւ ես հուսով եմ, որ բանկի վարկային պորտֆելը կմեծանա մինչեւ մի քանի միլիարդ դրամ»,- հաղորդել է նա: Ներկայումս, Ջրբաշյանի խոսքով, Հայաստանի բանկային համակարգում պարտքերի շատ ակտիվ վերակառուցում է տեղի ունենում, իսկ երկրորդ եռամսյակում վարկային պորտֆելի ժամկետի կտրուկ աճ կնկատվի: «Նման միտումն առավել նկատելի կդառնա տարվա վերջին»,- ավելացրել է նա: Մեկնաբանելով վերաֆինանսավորման դրույքների իջեցման առնչությամբ Հայաստանի Կենտրոնական բանկի քաղաքականությունը` նա ասել է, որ այն, անխոս, կազդի վարկերի վերաբերյալ բանկային դրույքների վրա, սակայն այդ ազդեցությունն անհամաչափ կլինի: «ԿԲ վարած ընդլայնվող դրամավարկային քաղաքականության դասական մոդելը կարող է չաշխատել ոչ դասական ճգնաժամի եւ սպառողական պահանջարկի իջեցման դեպքում»,- հայտնել է Ջրբաշյանը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Փաշինյան․ Սահմանազատումով վերարտադրվում է ՀՀ պետսահմանը, զիջում անվանելն անտրամաբանական է Նա նշել է, որ 1991–ի դրությամբ դե-յուրե գոյություն ունեցող սահմանները Հայկական ԽՍՀ-ի և Ադրբեջանական ԽՍՀ-ի միջև սահմաններն են Փաշինյան․ Պապ թագավորն այլևս չի սպանվելու՝ ինչ վեղար էլ հագնեն, քանի կգ-անոց խաչ էլ դոշներից կախեն Նա ասել է, որ այսօրվա ՀՀ–ն Պապ թագավորի երազանքի իրագործումն է Մոլդովան առաջին երկիրն է, որն անվտանգության և պաշտպանության համաձայնագիր է ստորագրել ԵՄ-ի հետ Բորելն ընդգծել է, որ ԵՄ–ն կշարունակի սատարել Մոլդովային ԵՄ–ին անդամակցելու ճանապարհին Հայտնի են «Ոզնի» մրցաշարի հաղթող թիմերը Evocabank-ի մասնակցությամբ կայացել է պատվոգրերի և նվերների հանձնման արարողությունը: |