  Կաթողիկոսի խափանման միջոցը վերացնելու որոշումն ի կատար չի ածվում. Դատախազությունը կբողոքարկի 13 ապրիլի 2026 - 15:14 AMT PanARMENIAN.Net - Երևան քաղաքի ընդհանուր իրավասության առաջին ատյանի քրեական դատարանը՝ նախագահությամբ դատավոր Անի Դանիելյանի, որոշում է կայացրել Ամենայն Հայոց կաթողիկոս Գարեգին Բ-ի պաշտպանի բողոքը բավարարելու մասին: Դատարանի որոշման հիման վրա կաթողիկոսի նկատմամբ կիրառված խափանման միջոցը ենթակա է վերացման: Փաստաբան, Մայր Աթոռի ներկայացուցիչ Արա Զոհրաբյանը հայտնել է, որ որոշումը դեռ չի կատարվել, հայտնում է Aysor.am-ը: «Վստահ եմ, որ դատախազությունը այդ որոշումը բողոքարկելու է և ամեն ինչ անելու է, որպեսզի չկատարի դատարանի որոշումը»,- նշել է Զոհրաբյանը։ Փաստաբանի գնահատականը հաստատվել է․ ՀՀ գլխավոր դատախազությունից տեղեկացրել են, որ պատրաստվում են ներկայացնել վերաքննիչ բողոք։ Անդրադառնալով այն հարցին, թե արդյոք այս որոշումը կարող է վկայել արդարադատության առկայության մասին, Զոհրաբյանը նշել է, որ հույսը միշտ պահպանվում է։ «Ցավոք, որոշ դատավորներ կուրորեն կայացնում են այնպիսի որոշումներ, որոնք հաճելի են իշխանության քիմքին: Սակայն կան նաև այնպիսի դատավորներ, որոնք ղեկավարվում են օրենքով, սա, իհարկե, մեծացնում է արդարադատության հույսը»,- ընդգծել է Արա Զոհրաբյանը։ Փաստաբանի գնահատականը հաստատվել է․ ՀՀ գլխավոր դատախազությունից տեղեկացրել են, որ պատրաստվում են ներկայացնել վերաքննիչ բողոք։ Վեհափառ Հայրապետին մեղադրում են դատական ակտի կատարմանը խոչընդոտելու մեջ, որով պահանջվել է Արման Սարոյանի վերականգնումը Մասյացոտնի թեմի առաջնորդի պաշտոնում։ Վեհափառ Հայրապետի նկատմամբ որպես խափանման միջոց ընտրվել է բացակայելու արգելքը։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
