Հայաստանի իշխանությունները փորձում էին թաքցնել Սահակաշվիլիից նրա այցի դեմ բողոքող ցուցարարներին26 հունիսի 2009 - 16:03 AMT PanARMENIAN.Net - «Հայաստանի իշխանությունները փորձում էին թաքցնել Սահակաշվիլիից նրա այցի դեմ բողոքող ցուցարարներին»,-այսօր տեղի ունեցած մամլո ասուլիսում հայտարարել է «Հայ դատի» գրասենյակի ղեկավարը, հավելելով. «Ես չեմ հասկանում, թե ինչու էին մեր իշխանությունները ցանկանում թաքցնել նրանից իրողությունը»: Ըստ նրա, ոստիկանության գործողությունները, որոնք ցրեցին Հանրապետության հրապարակում հավաքված ցուցարարներին, անիմաստ էին, քանի որ ժողովուրդն ագրեսիվ չէր տրամադրված: Ընդ որում, Մանոյանը հավելել է, որ նրա հանդիպումը ոստիկանության հետ այնքան էլ «հաճելի չէր»: Երեկ Երեւանում, «Մարիոթ» հյուրանոցի առջեւ, որտեղ իջեւանել էր Վրաստանի նախագահ Միխաիլ Սահակաշվիլին, մի շարք հայկական հասարակական-քաղաքական կազմակերպություններ մտադիր էին բողոքի ցույց անցկացնել: Սակայն ոստիկանությունը կոպտորեն ցրեց ցուցարարներին, դուրս մղելով նրանց դեպի Հյուսիսային պողոտա եւ Տիգրան Մեծի փողոց: Ցուցարարների նպատակն էր Վրաստանի նախագահին հասցնել հայ հանրության մի շարք պահանջները, որոնց թվում է նաեւ Հայ առաքելական եկեղեցու իրավական կարգավիճակի շնորհումը, հայկական եկեղեցիների վրացականացման կասեցումը, Վրաստանի հայկական դպրոցների պահպանումն ու զարգացումը, հայ-վրացական պետական համալսարանի ստեղծումը: «Ոստիկանությունը կարող էր առավել հարգալից վերաբերվել Երեւանի բնակիչներին»,-հայտարարել է Մանոյանը: Նա նաեւ հայտարարել է, որ ՀՀ բարձրագույն պարգեւի հանձնումը Վրաստանի նախագահին ընդամենը ձեւական բնույթ էր կրում, տուրք էր ավանդույթին: Հայաստանի նախագահը Միխաիլ Սահակաշվիլիին պարգեւատրել է Հայաստանի բարձրագույն պարգեւով` Պատվո շքանշանով: Պարգեւը հանձնվել է Վրաստանին հայ-վրացական դարավոր բարեկամության ամրապնդման, Երեւանի եւ Թբիլիսիի միջեւ համագործակցության խորացման համար: Այցի ընթացքում 2008թ. սեպտեմբերին Մ.Սահակաշվիլին պարգեւատրել էր իր հայ պաշտոնակցին Վրաստանի պետական պարգեւով` Ոսկե գեղմի շքանշանով: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |