Բակո Սահակյանը ԵԱՀԿ-ին կոչ է արել ապահովել Ստեփանակերտի մասնակցությունը Ղարաբաղի շուրջ բանակցություններում 2 հուլիսի 2009 - 22:29 AMT PanARMENIAN.Net - Երեւանում կայացել է Լեռնային Ղարաբաղի Հանրապետության նախագահ Բակո Սահակյանի հանդիպումը ԵԱՀԿ գործող նախագահ, Հունաստանի ԱԳՆ ղեկավար Դորա Բակոյանիսի հետ: Բանակցություններից հետո, որոնք տեւեցին մոտ մեկուկես ժամ, Բակո Սահակյանը հաղորդեց, որ հանդիպման ընթացքում քննարկվել են Լեռնային Ղարաբաղի հակամարտության կարգավորման հարցերը: «Մենք ԵԱՀԿ գործող նախագահին ներկայացրեցինք մեր մոտեցումները հակամարտության լուծման հարցի շուրջ, ընդգծեցինք ղարաբաղյան կողմի մասնակցությամբ բանակցությունների լիարժեք ձեւաչափի վերականգնման անհրաժեշտությունը: Մենք գործող նախագահին խնդրեցինք իրավասությունների շրջանակներում քայլեր ձեռնարկել բանակցային գործընթացում Ստեփանակերտի մասնակցությունն ապահովելու համար»,- լրագրողներին է հաղորդել ԼՂՀ նախագահը: Նրա խոսքով, բանակցություններին բարձրացվեցին նաեւ Ադրբեջանի կողմից հրադադարի ռեժիմի խախտման հարցերը, ինչպես նաեւ ընդգծվեց կրակի շոշափման գծից դիպուկահարներին հեռացնելու անհրաժեշտությունը:Բակո Սահակյանն ընդգծեց բանակցությունների ընթացքի առնչությամբ Դորա Բակոյանիսի լավատեսությունը: «Հայաստանի եւ Ադրբեջանի նախագահների առաջիկա հանդիպումից մենք ակնկալում ենք, որ, ի վերջո, ադրբեջանական կողմը կդադարեցնի ներկայիս քաղաքականությունը եւ կառուցողական մոտեցում կդրսեւորի բանակցություններում»,- ընդգծել է ԼՂՀ նախագահը: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում Բագրատ սրբազանը՝ առաջնորդությունը քաղուժերին փոխանցելու մասին․ Թող գան, վերցնեն, ով ցանկանում է «Ես բոլորի հետ խոսում եմ»,–ասել է նա |