Իրանը կարող է մեկ տարվա ընթացքում ատոմային ռումբ պատրաստել 3 օգոստոսի 2009 - 19:20 AMT PanARMENIAN.Net - Իրանը պատրաստ է ձեռնամուխ լինել միջուկային զենքի ստեղծմանը եւ սպասում է միայն իսլամական հանրապետության այաթոլլահ Ալի Համենեիի հավանությանը:Ամերիկյան լրտեսության փորձագետների տվյալներով, Իրանը հարեւան Իրաք ԱՄՆ զինված ուժերի ներխուժման սպառնալիքի պատճառով դադարեցրել է միջուկային ծրագրի մշակումը 2003թ., գրում է բրիտանական The Times թերթը` վկայակոչելով ԱՄՆ լրտեսության աղբյուրը: Բարձրագույն հոգեւոր առաջնորդի հավանության պահից, որն անհրաժեշտ է միջուկային զենքի ստեղծման մեկնարկի համար, մինչեւ ուրանի հարստացման գործընթացի ավարտը կանցնի վեց ամիս, ու եւս կես տարի կպահանջվի ինքնին մարտագլխիկի հավաքման համար, նշում է թերթը: «Եթե բարձրագույն առաջնորդ ընդունի որոշումը (ռումբ ստեղծել), ինչպես մեզ է թվում, նրանց հարկավոր կլինի ուրանը հարստացնել Նաթանզայում, ինչը կզբաղեցնի մոտ վեց ամիս` կախված այն բանից, թե որքան է աշխատում ցենտրիֆուգը: Ներկա պահին մենք չգիտենք, թե արդյոք ընդունվել է այդ որոշումը»,- The Times-ը մեջբերում է ԱՄՆ լրտեսության անանուն աղբյուրի խոսքերը: ԿՀՎ վերջին գնահատականների համաձայն, Իրանը կարող է միջուկային սպառազինություն ձեռք բերել երեքից տաս տարի ժամկետում: Սակայն իսրայելցի մասնագետները գտնում են, որ Թեհրանը շատ ավելի մոտ է ատոմային զենք ունենալուն: Այդ միջոցին, իրանական ղեկավարությունն ավելի վաղ բազմիցս հայտարարել է, որ մտադիր է զարգացնել միայն խաղաղ ատոմը եւ բացառապես երկրի էներգետիկ պահանջների համար: Ինչպես նշում են ամերիկյան լրտեսության փորձագետները, չնայած 1980-1988թ. Իրաքի դեմ պատերազմում կրած հսկայական կորուստներին, Իրանը նախկինի պես օժտված է տարածաշրջանի մակարդակով հզոր զինված ուժերով, որոնք հաշվվում են մոտ 800 հազար մարդ: Ամենամեծ սպառնալիքը, Պենտագոնի օդատիեզերական լրտեսության ազգային կենտրոնի տեղեկությունների համաձայն, ներկայացնում են Թեհրանի կողմից Հյուսիսային Կորեայի աջակցությամբ ձեռք բերված «Շահաբ-3» հրթիռներն են, որոնք ընդունակ են հարված հասցնել Իսրայելին եւ անգամ հասնել Եվրոպայի սահմաններին: Հնարավոր է, որ Իրանը տնօրինում է նման հրթիռներ բաց թողնելու ամենաքիչը 20 կայաններին, որոնք կարող են համալրված լինել քիմիական մարտագլխիկներով եւ մշտապես տեղափոխվել երկրի տարածքով` դրանց հայտնաբերումը դժվարացնելու նպատակով: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան. Հեծանիվով էր ման գալիս փողոցներում, հիմա ոստիկաններին բերել, քաղաքը պարալիզացրել է Նա նաև ասել է, որ շնորհակալ է ոստիկանությանը, որ «քաղաքացիների փոխարեն՝ ինքն է ճանապարհները փակում» «Ազատություն»․ Ազատամուտից Ղազախ հատվածում ուժեղացված հսկողություն է՝ ենթադրյալ հայ-ադրբեջանական հանդիպումն է Առավոտյան տեղացիները դեպի Ադրբեջանի սահման գնացող պետական մեքենաներ են տեսել Զախարովա․ ՌԴ–ն չի առաջարկել ՀՀ-ին դուրս բերել իր բոլոր սահմանապահներին Նա սուտ է անվանել այդ տեղեկությունները Բաքվի դատարանը 5 ամսով երկարացրել է Արցախի նաև մյուս ղեկավարների ապօրինի կալանքը Դատարանը բավարարել է ներկայացված միջնորդությունները |