Հայաստանը ակտիվորեն պատրաստվում է մասնակցել «Շանհայ Էքսպո`2010» ցուցահանդեսին11 սեպտեմբերի 2009 - 14:58 AMT PanARMENIAN.Net - Հայաստանի Արդյունաբերողների եւ ձեռնարկատերների միությունը Առեւտրա-արդյունաբերական պալատի եւ Հայաստանի զարգացման գործակալության հետ համատեղ պատրաստվում է մասնակցել «Շանհայ Էքսպո`2010» ցուցահանդեսին: Այս մասին ուրբաթ օրը մամլո ասուլիսում հայտնել է Միության նախագահ Արսեն Ղազարյանը: Նրա խոսքերով, ցուցահանդեսին մասնակցելու համար արդեն ներկայացվել է շուրջ 20-25 հայտ տարբեր ընկերություններից եւ պատրաստության աշխատանքները անցնում են շատ աշխույժ, քանի որ, ցուցահանդեսին սպասվում է Հայաստանի վարչապետի այցը:Ղազարյանն ասաց, որ կազմակերպչական աշխատանքների ֆինանսավորման եւ ուղեւորության համար ներգրավվում են նաեւ արտաքին ներդրումներ, որոնց չափը դեռ պարզվում է: Հայաստանը այս ցուցահանդեսին պետք է ներկայացվի ամենաշահեկան կողմից: Հայաստանի կառավարությունը 2009թ-ի հուլիսի 2-ին հաստատեց «Շանհայ Էքսպո`2010» համաշխարհային ցուցահանդեսի Հայաստանի մասնակցության միջոցառումների ծրագիրը, որը կանցնի Չինաստանում` «Ծաղկուն քաղաք, ծաղկուն կյանք» նշանաբանի տակ մայիսից մինչեւ հոկտեմբեր ընկած ժամանակաշրջանում: Ցուցահանդեսին կմասնակցեն 200 երկրների միջազգային կազմակերպություններ, այդ թվում նաեւ ԱՊՀ-ի անդամ երկրները: Չինական կողմի կանխատեսումներով, ցուցահանդես կայցելի 70 մլն. մարդ, որը ցուցահանդեսների պատմության մեջ կդառնա ամենաբազմամարդը մասնակցության առումով: Ցուցահանդեսին մասնակցելու համար անհրաժեշտ է շուրջ 570 մլն. դրամ: Այս գումարը ներառում է ցուցահանդեսի տաղավարի ձեւավորման եւ սպասարկման ծախսերը, սպասարկող անձնակազմի, նյութերի հրատարակման, հուշանվերների եւ այլ ծախսեր: Բացի այդ միջոցառման շրջանակներում` սեպտեմբերի 21-ին կնշվի Հայաստանի Ազգային օրը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ Կաթողիկոսը ցավակցագիր է հղել Իրանի հոգևոր առաջնորդին Նա վշտակցություն է հայտնել զոհերի սգակիր ընտանիքներին և Իրանի ժողովրդին |