Հայաստանը լքած ադրբեջանցիները փախստականներ չեն13 հունվարի 2010 - 20:01 AMT PanARMENIAN.Net - 1980-ական թվականների վերջին Հայաստանը լքած ադրբեջանցիներին չի կարելի որպես փախստականներ դիտարկել: Նրանք չեն համապատասխանում միջազգային իրավունքով փախստականի կարգավիճակի համար սահմանված չափանիշներին: Այդ մասին այսօր Երեւանում կայացած մամլո ասուլիսում հայտնեց քաղաքագետ, ԵՊՀ պրոֆեսոր Ալեքսանդր Մանասյանը:«Ադրբեջանից աքսորված եւ բռնության ու ջարդերի ենթարկված հայերի եւ Հայաստանից խաղաղ հեռացած եւ Հայաստանում իրենց ունեցած բնակատեղին Ադրբեջանում բնակատեղիի հետ փոխանակած ադրբեջանցիների միջեւ չի կարելի հավասարության նշան դնել: Դա անընդունելի է»,- ասաց քաղաքագետը: Ինչպես նշեց Ալեքսանդր Մանասյանը, ավելի քան 200 հազար հայեր մինչ օրս ոչ բարոյական, ոչ էլ նյութական հատուցում են ստացել Ադրբեջանում ունեցվածքի կորստի համար: «Հարկավոր է Ադրբեջանի հայերին հատուցումների մասին իրավական փաստաթղթերի փաթեթ մշակել եւ ՀՀ ղեկավարությունը պետք է ամեն կերպ օժանդակի այդ գործընթացը»,- ընդգծեց քաղաքագետը: Բաքվում հայերի ջարդերի ժամանակ 1990թ. հունվարի 13-19-ը, տարբեր աղբյուրներով, սպանվել է շուրջ 400 մարդ, 200 հազար հայեր արտաքսվել են քաղաքից: Զոհվածների հստակ թիվը ճշտելն անհնար էր, քանի որ ջարդերի գործով հետաքննություն չտարվեց: Խաղաղ բնակիչների ջարդերն ու սպանությունները շարունակվեցին մինչեւ հունվարի 20-ը, երբ քաղաք մտան Խորհրդային բանակի ստորաբաժանումները: 1990թ. հունվարի 12-13-ին հայկական ջարդերը Բաքվում կազմակերպված եւ զանգվածային բնույթ ստացան: Հունվարի 13-ին ժամը 17-ից հետո շուրջ 50-հազարանոց ամբոխը, բաժանվելով խմբերի, սկսեց տուն առ տուն անցնել` «մաքրելով» քաղաքը հայերից: 1990 թվականի հունվարի 17-ին Եվրախորհրդարանը բանաձեւ ընդունեց, որով կոչ էր արվում արտգործնախարարների Եվրոպական խորհրդին եւ Եվրախորհրդին պաշտպանել հայերին եւ պահանջել ԽՍՀՄ կառավարությունից անհապաղ օգնություն ցույց տալ Հայաստանին ու Լեռնային Ղարաբաղին: Հունվարի 18-ին ամերիկացի սենատորների մի խումբ նամակ հղեց Մ.Գորբաչովին, որտեղ իր մտահագությունն էր հայտնում Բաքվում հայերի ջարդերի կապակցությամբ եւ կոչ էր անում միացնել Լեռնային Ղարաբաղը Հայաստանին: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Մարուքյան․ Ի՞նչ է եղել, որ Փաշինյանը Պուտինին խնդրել է` ՌԴ զորքերը մնան Թուրքիայի և Իրանի սահմանին Ըստ նրա՝ երկրի ներսում ասում են՝ ԵՄ ենք գնում, մյուս կողմից Պուտինին խնդրում են, որ ռուսները մնան Թուրքիայի ու Իրանի հետ սահմանին Բորգն Ադրբեջանում կոչ է արել Երևանին և Բաքվին շարունակել բանակցությունները Նա նաև ողջունել է սահմանազատման գործընթացի մեկնարկը Պատել. ԱՄՆ-ն շարունակում է հավատալ, որ ՀՀ և Ադրբեջանի միջև խաղաղությունը հնարավոր է Նա նաև հավելել է, որ Ալմաթիում տեղի ունեցած բանակցությունների վերաբերյալ այլ թարմացումներ չունի Ալիևի անվտանգության ծառայության պետի ընտանիքը միլիոնավոր դոլարների անշարժ գույք ունի Լոնդոնում և Դուբայում Էյուբովն ավելի քան 20 տարի Ալիևի անվտանգության ծառայության պետն է, մինչ այդ էլ այդ պաշտոնը զբաղեցրել է նրա հոր օրոք |