Երևանում բացվել է FAO տարածաշրջանային համաժողովը13 մայիսի 2010 - 12:09 AMT PanARMENIAN.Net - Երևանում բացվել է ՄԱԿ-ի Պարենի և գյուղատնտեսության կազմակերպության (FAO) Եվրոպայի և Կենտրոնական Ասիայի տարածաշրջանային համաժողովի 27-րդ նստաշրջանը: Հայաստանի գյուղատնտեսության նախարար Գերասիմ Ալավերդյանն իր ելույթում նշել է, որ համաժողովը կարևոր դեր է խաղում տարածաշրջանային ծրագրերի իրագործման և FAO անդամ-երկրների առաջարկների քննարկման տեսանկյունից: «Այս համաժողովի շրջանակներում քննարկվելու են տարածաշրջանի համար այնպիսի կարևոր և արդի հարցեր, ինչպիսիք են ջրային պաշարների արդյունավետ օգտագործումը, անասնաբուծության զարգացումը, գյուղի զարգացումը և եկամուտի այլընտրանքային աղբյուրները, կլիմայի փոփոխությունների ազդեցությունը գյուղատնտեսության վրա, ինչպես նաև գյուղական վայրերում գենդերային հարցեր»,- ավելացրել է նա: Իր հերթին, FAO գլխավոր տնօրեն Ժակ Դիուֆը հիշեցրել է, որ 1996-ին Համաշխարհային պարենային գագաթնաժողովի ժամանակ պետությունների և կառավարությունների ղեկավարները խոստացել են 2015-ին կիսով չափ կրճատել սովից տառապող մարդկանց թիվը: «Ցավոք սրտի, այժմյան իրավիճակն ավելի շատ անհանգստություն է պատճառում, քան իրավիճակը 1996-ին. սովի ծավալները միայն մեծանում են` կապված գյուղատնտեսության ոլորտում ներդրումների կրճատման և պարենային մթերքների գնաճի հետ»,- ավելացրել է նա: FAO գլխավոր տնօրենի խոսքերով միայն 2009-ին քաղցած մարդկանց թիվն աճել է 105 մլն-ով և հասել 1 մլրդի: «FAO ուսումնասիրությունները ցույց են տվել, որ համաշխարհային տնտեսական ճգնաժամը հանգեցրել է գյուղատնտեսության թուլացմանը, հատկապես Կենտրոնական և Արևելյան Եվրոպայի երկրներումԼ Տարածաշրջանի երկրները բախվում են հսկայական տնտեսական դժվարությունների հետ, մասնավորապես, արտահանման շուկաների, դրամական փոխանցումների հոսքերի և մասնավոր ֆինանսավորման կրճատման հետ»,- ասել է նա և ավելացրել, որ տնտեսության աճի ապահովման և աղքատության նվազման համար ավելի հզոր շարժիչ ուժ չկա, քան ներդրումները գյուղատնտեսության մեջ: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում ՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ Կոստանյանը ներկայացրել է «Խաղաղության խաչմերուկ» նախագիծը |