ԱՄՆ պետքարտուղարը շնորհակալություն է հայտնել Գաֆեսճյան արվեստի կենտրոնին 6 օգոստոսի 2010 - 20:34 AMT PanARMENIAN.Net - ԱՄՆ պետքարտուղար Հիլարի Քլինթոնը նամակ է ուղղել Գաֆեսճյան արվեստի կենտրոնի գործադիր տնօրենի պաշտոնակատար Վահագն Մարաբյանին` իր շնորհակալությունը հայտնելով քաղաքացիական հասարակության ներկայացուցիչների հետ հանդիպում անցկացնելու համար: «Կենտրոնը հիասքանչ վայր է և Հայաստան-ԱՄՆ համագործակցության հրաշալի խորհրդանիշ: Գաֆեսճյան քանդակների պարտեզ և առաջին սրահ կատարած շրջայցը իմ երևանյան այցելության ամենատպավորիչ պահերից էր», - ասված է Հիլարի Քլինթոնի նամակում: ԱՄՆ պետքարտուղար Հիլարի Քլինթոնը Գաֆեսճյան արվեստի կենտրոն է այցելել հուլիսի 5-ին: Նրա պատվին ցուցադրության դրվեց Սիդնի Հաթերի ապակե քանդակը: Նշենք, որ նույն արվեստագետի նմանատիպ քանդակը Քլինթոնները ձեռք են բերել 1993 թ.` Սպիտակ տան հավաքածուի համար: «Սպիտակ տան ծաղկաման» անունով հայտնի քանդակն այժմ Բիլ Քլինթոնի նախագահական գրադարանում է: Տիկին Քլինթոնը հրճվանքով է նկատել Գաֆեսճյան հավաքածուին պատկանող Հաթերի գործը և պարոն Մարաբյանին հայտնել է իր հիացմունքը ցուցասրահի վերաբերյալ: Ըստ նրա, կենտրոնը պետք է հպարտ լինի իր նվաճումներով: Սիդնի Հաթերի քանդակի ցուցադրումը Գաֆեսճյան արվեստի կենտրոնում շարունակվում է: Այցելուները կարող են տեսնել այն առաջին սրահում, օգոստոսի ընթացքում: Գաֆեսճյան քանդակների պարտեզում և առաջին սրահում շրջայց կատարելուց հետո տիկին Քլինթոնը հանդիպում է ունեցել քաղաքացիական հասարակության ներկայացուցիչների հետ Խանջյան սրահում: Գաֆեսճյան արվեստի կենտրոնի առաքելությունն է ժամանակակից արվեստի լավագույն նմուշները բերել Հայաստան և աշխարհին ներկայացնել հայկական մշակույթի լավագույն գործերը: Գաֆեսճյան արվեստի կենտրոնը հիմնադրել է Ջերարդ Գաֆեսճյանը` 2009 թվականի նոյեմբերին: Հավատարիմ իր առաքելությանը, կենտրոնը ցուցադրում է ժամանակակից արվեստի յուրօրինակ գործեր, կազմակերպում դասախոսություններ, ֆիլմերի ցուցադրություններ, համերգաշարեր և կրթական ծրագրեր: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Փաշինյանը Դանիայի վարչապետին է ներկայացրել Ադրբեջանի հետ խաղաղության գործընթացը Ֆրեդերիկսենն ընդունել է Հայաստան այցելելու հրավերը Ալիևը Բորգին ասել է, թե ԵԱՀԿ Մինսկի խումբը պետք է չեղարկել «Ադրբեջանը բարձրացրել է այդ հարևցը և չկա որևէ պատճառ, որպեսզի հայկական կողմն իր համաձայնությունը չտա»,–ասել է նա Արաքս գետի վրա 2-րդ կամուրջ կառուցելու հարցով Իրանի հետ աշխատանքային խումբ կստեղծվի Գործող կամուրջը կառուցվել է 1995–ին Փաշինյանն ու Ռասմուսենը քննարկել են տարածաշրջանային զարգացումները և անվտանգային մարտահրավերները Քննարկվել են Հարավային Կովկասում անվտանգությանն ու կայունությանը վերաբերող հարցեր |