Էդուարդ Շարմազանովը կոչ է անում երկրի իշխանություններին հետևել Էյնշտեյնի խորհրդին

11 սեպտեմբերի 2010 - 14:45 AMT

PanARMENIAN.Net - Հայաստանում կոռուպցիայի հաղթահարման համար ջանքեր պետք է գործադրի ոչ միայն երկրի կառավարությունը, այլ նաև նրա միջազգային գործընկերներն ու հանրությունը: Այդ մաիսն լրագրողներին է ասել ՀՀԿ մամլո քարտուղար, ՀՀ ԱԺ պատգամավոր Էդուարդ Շարմազանովը Դիլիջանում, որտեղ անցնում է «Հայաստանը ճգնաժամից հետո՝ մարտահրավերներ ու հեռանկարներ» խորագրով համաժողովը ՀՀ վարչապետ Տիգրան Սարգսյանի և տարբեր երկրներից բարձրաստիճան հյուրերի մասնակցությամբ:

«Որքան շուտ մենք հաղթահարենք կոռուպցիան, այնքան շուտ երկիրը կկարողանա առաջ շարժվել: Հայաստանի համար ակտուալ են Էյնշտեյնի խոսքերն այն մասին, որ «մեզ հարկավոր է նոր մտածելակերպ, լուծելու համար հին մտածելակերպի արդյունք հանդիսացող խնդիրներ»,-ասել է պատգամավորը:

Ըստ նրա, համաժողովի ժամանակ կքննարկվեն օլիգոպոլիաներից և կոռուպցիայից ձերբազատվելու հարցը: «Յուրաքանչյուր երկիր կոռուպցիայի իր առանձնահատկություններն ունի, սակայն կան նաև ընդհանուր խնդիրներ: Բոլոր այդ առանձնահատկությունները հարկավոր է հաշվի առնել, իսկ այն դրական լուծումները, որ մենք կընդունենք քննարկումների արդյունքում, պետք է իրականացվեն»,-ասել է Էդուարդ Շարմազանովը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով