  Հայաստանի ազգային արխիվը պատրաստվում է թողարկել 1832թ. Ղարաբաղի բնակչության աշխարհագիրը 15 սեպտեմբերի 2010 - 14:57 AMT PanARMENIAN.Net - Հայաստանի ազգային արխիվը պատրաստվում է թողարկել « 1832թ. Ղարաբաղի գավառի աշխարհագիրը», որը հրատարակվելու է 2011-ին ռուսերեն լեզվով (բնագրի լեզուն): Ինչպես հայտնել է լրագրողներին Հայաստանի ազգային արխիվի տնօրեն Ամատունի Վիրաբյանը, այդ հետազոտությունը, որն անցկացվել է Ռուսաստանի ներքին գործերի նախարարի խորհրդի վիճակագրական բաժնի թղթակից-անդամ Ի. Շոպենի կողմից, դարձել է Ղարաբաղի բնակչության առաջին մարդահամարը: «Հայաստանի ազգային արխիվը փաստաթղթեր է պարունակում սկսած 19-րդ դարից, երբ Հայաստանը մտել է Ռուսական կայսրության կազմի մեջ: Իսկ ամենավաղ փաստաթղթերը սկսվում են Շոպենի մարդահամարից»,- ասել է Վիրաբյանը: Նրա խոսքերով, հրապարակվելու են նաև յուրաքանչյուր գյուղի տվյալները. քանի հայ և քանի մահմեդական է բնակվել Ղարաբաղի տարածքում: «Մենք ցույց կտանք, թե որ գյուղն է եղել բնիկ հայկական, իսկ որտեղ բնակվել են Պարսկաստանից եկած ներգաղթյալները: Դա արվում է հերքելու համար ադրբեջանական կողմի ապատեղեկատվությունն այն մասին, թե Լեռնային Ղարաբաղում հայեր չեն եղել, նրանք եկել են Պարսկաստանից Ռուսաստանի օգնությամբ».- նշել է նա: Ղարաբաղի գավառը իր տարածքով ավելի մեծ է եղել ժամանակակից ԼՂՀ տարածքից, և նման հաշվարկով մահմեդականները Ղարաբաղի գավառում ավելի շատ են եղել: Սակայն ներկա ԼՂՀ տարածքում բնակչության մեծամասնությունը կազմել են հայերը: Աշխարհագրում նշվում են նաև մարդու ունեցվածքը, նրա ազգակցական կապերը, գործունեության տեսակը և սոցիալական խումբը, որին նա պատկանել է: «1920-ականներին տեղի է ունեցել արխիվների վերաբաշխում, Հայաստանին վերաբերող փաստթղթերի մի մասը տեղափոխվել է Թբիլիսիից Երևան, իսկ Երևանի արխիվի մի մասը` Նախիջևան և Բաքու: Այն, որ այդ փաստաթուղթը պահպանվել է մեզ մոտ, հրաշք է»,- ասել է Ամատունի Վիրաբյանը:   Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում”   Ամենաընթերցվողը բաժնում |  Սյուժե Վերջին լուրեր Կոլումբիան խզում է հարաբերություններն Իսրայելի հետ  Գազայի հատվածի շրջափակումը այդ երկրի նախագահը «ցեղասպանություն» է անվանելՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունըԱՄՆ–ն կշարունակի աջակցել ՀՀ-ում պաշտպանական բարեփոխումներին Պապաիկյանն ու ԱՄՆ դեսպանը քննարկել են համագործակցության ներկայիս ընթացքը և զարգացման հեռանկարներըԱռողջապահության նախարարին պաշտոնից ազատելու լուրերը հերքվել են Ավելի վաղ խուզարկություններ են իրականացվել առողջապահության նախարարությունում և բուժհաստատություններից մեկում |
