Երևանի բասկետբոլի «Հատիս» ակումբը հոկտեմբերի 27-ից սկսում է իր ելույթները Եվրագավաթի խաղարկության մրցաշարում: «Հատիսի» մրցակիցները կլինեն «Դինամո ԳՈւՎԴ-ն» (ՌԴ) և «Էլիտզուրը» (Իսրայել):

Սեպտեմբերի վերջում «Հատիսը» մասնակցեց Կուրսկի միջազգային մրցաշարին և զբաղեցրեց 2-րդ տեղը՝ 59:69 հաշվով զիջելով միայն Կուրսկի «Դինամոյին»:

«Հայաստանի բասկետբոլի կանանց հավաքականը հանդես կգա A դիվիզիոնում»,-ասել է ՀՀ բասկետբոլի ֆեդերացիայի նախագահ Հրաչյա Ռոստոմյանը:

Ըստ «Հատիսի» գլխավոր մարզիչ Գիա Ղազանչյանի, թիմի առջև խնդիր է դրված հանդես գալ, ոչ վատ, քան նախորդ սեզոնում, երբ թիմը հաղթահարեց Եվրագավաթի խմբային փուլը:

Ինչպես հայտնել է ակումբի խորհդի անդամ Րաֆֆի Նիզիբլյանը, արդեն ֆիլմ է նկարահանվել թիմի մասին: «Մենք ցանկանում ենք, որ բասկետբոլը Հայաստանում զարգանա և դրա համար հոկտեմբերի 16-ին Երևանում տեղի կունենա ARM-street ball բասկետբոլի շոուն՝ փողոցային բասկետբոլ, որին կարող են մասնակցել բոլոր ցանկացողները»,-ասել է Նիզիբլյանը: