  Հայաստանը Եվրոպական ռեգիոնների ասամբլեայում կներկայացնեն Լոռու եւ Տավուշի մարզերը  11 նոյեմբերի 2010 - 17:59 AMTPanARMENIAN.Net - Եվրոպական ռեգիոնների ասամբլեայի (AER)` այսօր Ստամբուլում կայացած տարեկան համաժողովում, որին մասնակցում էր ՀՀ փոխվարչապետ, տարածքային կառավարման նախարար Արմեն Գեւորգյանը, որոշում ընդունվեց կազմակերպությանը Հայաստանի անդամակցության մասին: Հայաստանն ասամբլեայում կներկայացնեն ՀՀ Լոռու եւ Տավուշի մարզերը: Եվրոպական ռեգիոնների ասամբլեան միավորում է 33 երկրի 270 ռեգիոն ու 16 միջազգային կազմակերպություն եւ համագործակցության, փորձի փոխանակման հնարավորություն է ստեղծում եվրոպական երկրների ռեգիոնների միջեւ: Կազմակերպությունը սերտորեն գործակցում է Եվրախորհրդի եւ Եվրամիության կառույցների հետ: Եվրոպական ռեգիոնների ասամբլեայի նախագահ Միշել Սաբանի հետ հանդիպմանը փոխվարչապետը շնորհակալություն հայտնեց հրավերի եւ ասամբլեային Հայաստանի անդամակցության գործընթացի կազմակերպման համար: Կողմերը վստահություն հայտնեցին, որ անդամակցությամբ հետագա ավելի լայն փոխգործակցության սկիզբ է դրվում: Եվրամիության տարածաշրջանային քաղաքականության հանձնաժողովի գլխավոր տնօրեն Դիրկ Ահների հետ հանդիպմանը նշվեց, որ Արեւելյան գործընկերության մեկնարկով Եվրամիության հետ Հայաստանի հարաբերությունները տեղափոխվել են որակական նոր փուլ: Կողմերն անդրադարձան նաեւ տարածքների զարգացվածության գնահատման ԵՄ երկրների մեթոդաբանությանը: Քննարկվեցին այն ուսումնասիրելու եւ Հայաստանում կիրառելու հնարավորությունները: Ձեռք բերվեց գործնական պայմանավորվածություն` այդ ուղղությամբ աշխատանքներ իրականացնելու վերաբերյալ: Երկուստեք ընդգծվեց նաեւ Հայաստանի եւ ԵՄ երկրների ռեգիոնների միջեւ գործակցության հաստատման եւ խորացման, փոխշահավետ ծրագրերի իրականացման կարեւորությունը:   Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով   Ամենաընթերցվողը բաժնում |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
