Հայ-գերմանական միջխորհրդարանական հարաբերությունները դինամիկ և ակտիվ զարգանում են24 նոյեմբերի 2010 - 15:28 AMT PanARMENIAN.Net - Նոյեմբերի 24-ին ԱԺ եվրոպական ինտեգրման հարցերի մշտական հանձնաժողովի նախագահ Նաիրա Զոհրաբյանն ընդունեց Գերմանիայի Դաշնային Հանրապետության դեսպանության առաջին քարտուղար տիկին Սիմոնե Շյուտցեին եւ «Միջազգային խորհրդարանական կրթաթոշակ» ծրագրի կրթաթոշակակիրներին: Հանդիպման ընթացքում տիկին Զոհրաբյանը կարեւորեց Հայաստանի խորհրդարանի եւ Գերմանիայի Բունդեսթագի միջեւ կապը` նշելով, որ հայ-գերմանական միջխորհրդարանական հարաբերությունները բավականին դինամիկ եւ ակտիվ զարգանում են: Քանի որ Հայաստանի արտաքին գերակայություններից է եվրոպական ինտեգրումը, հանձնաժողովի նախագահն ընդգծեց, որ Հայաստանի Ազգային ժողովի համար ուսանելի է ժողովրդավարական հին ավանդույթներ ունեցող Բունդեսթագի փորձը: Տիկին Զոհրաբյանը կարեւորեց այս ծրագիրը, որը հնարավորություն է տալիս հայաստանցի ուսանողներին եւ երիտասարդներին իրենց փորձառությունը Գերմանիայի Բունդեսթագում անցկացնելուց հետո այն գործնականում կիրառել Հայաստանի տարբեր գերատեսչություններում: Նա հույս հայտնեց նաեւ, որ Գերմանիայում իրենց փորձառությունն անցնող կրթաթոշակակիրները ակտիվորեն կհամագործակցեն նաեւ Պոտսդամում Լեփսիուսի անունը կրող գերմանահայկական հետազոտությունների կենտրոնի հետ: Տիկին Զոհրաբյանը նշեց, որ անկախությունից ի վեր ավելի քան 1300 հայաստանցի կրթաթոշակներ են ստացել գերմանական ակադեմիական փոխանակման ծառայությունից, ինչը, ըստ Նաիրա Զոհրաբյանի, իրապես գնահատելի է: Հանձնաժողովի նախագահը նշեց, որ ծրագրին վերաբերող բոլոր առաջարկները կներկայացնի ԱԺ նախագահին: Հանդիպման ընթացքում քննարկվեցին այլ հարցեր եւս, հայտնում է ՀՀ ԱԺ հասարակայնության եւ տեղեկատվության միջոցների հետ կապերի վարչությունը: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |