Երևանը նոր քաղաքապետ կունենա դեկտեմբերի 17-ին
«Երևան քաղաքում տեղական ինքնակառավարման մասին» Հայաստանի Հանրապետության օրենքի և «Երևան քաղաքի ավագանու կանոնակարգը ընդունելու մասին» որոշման hամաձայն՝ 2010թ. դեկտեմբերի 13-ին տեղի ունեցավ Երևան քաղաքի ավագանու արտահերթ նիստ, որը վարում էր Երևանի քաղաքապետի ժամանակավոր պաշտոնակատար Տարոն Մարգարյանը: Արտահերթ նիստի օրակարգում ընդգրկված էր մեկ հարց` սահմանել Երևանի քաղաքապետի ընտրության ժամկետը:
Երևանի ավագանու միաձայն որոշմամբ` դեկտեմբերի 17-ին կգումարվի Երևանի ավագանու արտահերթ նիստ: Արտահերթ նիստում Երևանի ավագանու անդամները կընտրեն Երևանի քաղաքապետին:
