Էդուարդ Շարմազանով. Ղարաբաղյան հակամարտությանը միջամտելու Թուրքիայի բոլոր ջանքերը կձախողվեն31 հունվարի 2011 - 14:15 AMT PanARMENIAN.Net - ԵԽԽՎ նախագահ Մևլութ Չավուշօղլուին հաջողվել է վերականգնել ղարաբաղյան հակամարտության ենթահանձնաժողովի գործունեությունը, սակայն այդ ենթահանձնաժողովը երբեք չի կարողանա ինչ-որ դեր խաղալ ղարաբաղյան հակամարտության կարգավորման մեջ: Այդ մասին Երևանում մամլո ասուլիսում հայտարարել է Հայաստանի Հանրապետական կուսակցության խորհրդարանական խմբակցության քարտուղար Էդուարդ Շարմազանովը: Նրա խոսքերով, Հայաստանը և ԵԱՀԿ ՄԽ համանախագահներն արդեն բազմիցս հայտարարել են, որ հակամարտությունը պետք է լուծվի ԵԱՀԿ Մինսկի խմբի շրջանակներում, և որ այլ ձևաչափերը կարող են վնասել կարգավորման գործընթացին: «Հայաստանի դիրքորոշումն այս հարցում պարզ է: Թուրքիան երբեք միջնորդ չի լինի ղարաբաղյան հակամարտության կարգավորման մեջ, և այդ հարցին միջամտելու նրա բոլոր ջանքերը ձախողվելու են, քանի որ Հայաստանը և Արցախը դա երբեք թույլ չեն տա»,- ասել է նա: Միաժամանակ նա նշել է, որ Հայաստանի նախագահ Սերժ Սարգսյանն արդեն բազմիցս հայտարարել է, որ հակամարտության լուծման միակ ճիշտ ուղին հանրաքվեի անցկացումն է: Շարմազանովն ասել է, որ հանրաքվե անցկացնելու դեպքում արդյունքները կանխատեսելի են լինելու: ՀՀԿ անդամը նաև կարևոր է համարել Հարավային Սուդանի հանրաքվեն, նշելով, որ դա կարող է լավ նախադեպ հանդիսանալ ղարաբաղյան հակամարտության կարգավորման համար: «Հարավային Սուդանի հանրաքվեն ցույց տվեց, որ աշխարհում շարունակվում է ազգերի ինքնորոշման հաղթարշավը, և այդ գործընթացն արդեն կանգ չի առնի»,- ընդգծել է Էդուարդ Շարմազանովը: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչական ղեկավար․ Կիրանցի 3 խոցելի կետի սահմանազատման հարցը սառեցված է «Նույնիսկ իրենց հողից մեզ է անցել, այս պահի դրությամբ՝ լրիվ դրական է»,- նշել է նա Team-ի նոր առաջարկը․ YouTube, Netflix և այլ թոփ հավելվածներ՝ անսահմանափակ Փաթեթի ամսական վճարը կազմում է 4000 դրամ |