Ալեքսանդր Սոտնիչենկո. Մուբարաքի հրաժարականը նոր դարաշրջան է բացում ողջ արաբական աշխարհի համար

PanARMENIAN.Net - Մուբարաքի հրաժարականը նոր դարաշրջան է բացում ողջ արաբական աշխարհի համար: Այդ մասին PanARMENIAN.Net ի թղթակցի հետ զրույցում հայտարարել է պատմական գիտությունների թեկնածու, Սանկտ Պետերբուրգի պետական համալսարանի միջազգային հարաբերությունների ֆակուլտետի դասախոս Ալեքսանդր Սոտնիչենկոն: Ըստ նրա, Եգիպտոսի համար դա նշանակում է երկարատև նախապատրաստում իշխանափոխությանը, որին հավակնում է երեք քաղաքական ուժ:

«Դա ռազմական ու հին ազգայնական վերնախավն է, տարբեր ազատական և ժողովրդավարական ուժեր էլ Բարադեի գլխավորությամբ, ինչպես նաև «Մահմեդական եղբայրները»: Առավել հավանական ելք կլինի աշխարհիկ կոալիցիայի ստեղծումը Էլ Բարադեի և Թահրիր հրապարակի ցուցարարների ու զինվորականների միջև: Խորհրդարանական ու նախագահական ընտրությունների արդյունքում նրանք կարող են բաժանել իշխանությունը՝ փաստացի կղեկավարեն հատուկ ծառայությունները, իսկ Էլ Բարադեին անկախ զբաղեցրած պաշտոնից երկխոսություն կվարի ներդրումների, պարենային օգնության և մարդու իրավունքների մասին Արևմուտքի հետ: Սոցիալական խնդիրները այդ դեպքում չեն լուծվի, քանի որ առկա համակարգը կպահպանվի»,-նշել է Սոտնիչենկոն: