Հայաստանը ղարաբաղյան հիմնախնդրի խաղաղ լուծման կողմնակից է, սակայն միշտ պատրաստ է կտրուկ և համարժեք հակահարված տալ Ադրբեջանի ագրեսիային և սադրանքին: Այդ մասին, ելույթ ունենալով Երևանի պետական համալսարանի ուսանողների և պրոֆեսորադասախոսական կազմի հետ հանդիպմանը, հայտնել է Հայաստանի պաշտպանության նախարար Սեյրան Օհանյանը: Նրա խոսքով, Լեռնային Ղարաբաղի տարածք թափանցելու` ադրբեջանցի զինվորների յուրաքանչյուր փորձ, ցանկացած դիվերսիա միշտ համարժեք պատասխան է ստանում:

Ընդ որում, Սեյրան Օհանյանը նկատել է, որ Բաքուն փորձում է Երևանը ներքաշել սպառազինության մրցավազքի մեջ, սակայն Հայաստանը ձգտում է ոչ միայն զինել բանակը, այլև բարձրացնել բանակի որակները` զինծառայողների հայրենասիրական ոգու դաստիարակումը, նրանց որակավորման ու պրոֆեսիոնալիզմի բարձրացումը: