  Թուրքիայի էներգետիկայի նախարարը վախենում է Մեծամորի ԱԷԿ-ից  20 մարտի 2011 - 16:32 AMTPanARMENIAN.Net - Մեծամորի հնացած ԱԷԿ-ը լուրջ վտանգ է ներկայացնում Թուրքիայի համար: Այդ մասին հայտնել է Թուրքիայի էներգետիկայի նախարար Թաներ Յըլդըզը: «Հայաստանի ԱԷԿ-ն ամենահինն է աշխարհում, և շատ կազմակերպություններ, այդ թվում ՄԱԳԱՏԷ-ն պահանջում են փակել այն: Ատոմակայանը գտնվում է Թուրքիայի սահմանից 16կմ հեռավորության վրա, օգտագործում է հին տեխնոլոգիաներ և կարող է աղետի էպիկենտրոն դառնալ»,-ասել է նա` ընդգծելով, որ Թուրքիան շարունակելու է ԱԷԿ-ի փակման քարոզարշավը: Թաներ Յըլդըզն «այնքան էլ ճիշտ չէ»` պնդելով, որ Հայաստանի ԱԷԿ-ն ամենահինն է աշխարհում: Ներկայումս գործող Հայաստանի ԱԷԿ-ի երկրորդ էներգաբլոկը գործարկվել է 1980 թվականի հունվարի 5-ին: Ընդ որում` Հայաստանի կառավարությունը 2006 թվականին հայտարարեց, որ Հայաստանի ԱԷԿ շահագործման ժամկետը սպառվում է 2016 թվականին: Որպես օրինակ կարելի է բերել Ռուսաստանում գործող Նովովորոնեժի ԱԷԿ-ը, որի 3-րդ և 4-րդ էներգաբլոկերը շահագործման են հանձնվել 1971 և 1972 թվականներին: Ընդ որում` երրորդ էներգաբլոկի շահագործումը կդադարեցվի 2016 թվականին, չորրորդինը` 2017-ին: Դրա հետ մեկտեղ դարձյալ Ռուսաստանում գործող Բելոյառսկի Ի.Վ.Կուրչատովի անվ. ատոմային էլեկտրակայանի երրորդ էներգաբլոկը շահագործման է հանձնվել 1980թ. ապրիլի 8-ին և ծրագրվում է գործունեությունը դադարեցնել 2020 թվականին: Սակայն Թուրքիայի էներգետիկայի նախարարը կարող է մտքի եկածն ասել այն ժամանակ, քանի դեռ նրա խոսքերը միջամտություն չեն հանդիսանում հարևան պետության, առավել ևս Հայաստանի ներքին գործերին: Թուրքիան ինքը մտադիր է ԱԷԿ կառուցել այն տեխնոլոգիայով, որով կառուցվել է Մեծամորի ԱԷԿ-ը, այսինքն` Ռուսաստանի օգնությամբ: Ավելին, իր երկրորդ ԱԷԿ-ը Թուրքիան ծրագրում է կառուցել ճապոնական Toshiba և Tokyo Electric Company (Telco) ընկերությունների հետ համատեղ: Telco-ն հանդիսանում է ճապոնական «Ֆուկուսիմա-1» ԱԷԿ-ի օպերատորը, որտեղ ավերիչ երկրաշարժից ու ցունամիից հետո վթարներ են տեղի ունեցել: Իսկ Հայաստանի ԱԷԿ-ը դիմացավ 1988 թվականի ավերիչ երկրաշարժի հարվածին և դարձավ աշխարհում միակ ԱԷԿ-ը, որը վերագործարկվել է փակումից հետո:   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Բաժիններ թեմայով Վերջին լուրեր ՊՆ․ Զինծառայողների հարազատները ծանրոցներ ուղարկում են բացառապես կամավոր  Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում ենԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվելԲելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանումՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ Կոստանյանը ներկայացրել է «Խաղաղության խաչմերուկ» նախագիծը |
