Տիգրան Սարգսյան. Հայաստանը հսկայական անելիքներ ունի ազատ մրցակցության ձևավորման ճանապարհին21 մարտի 2011 - 13:37 AMT PanARMENIAN.Net - Երևանում մարտի 21-23-ը մեկնարկեց միջազգային համաժողով` ուղղված ՄԱԿ-ի Առևտրի և զարգացման հարցերով համաժողովի կողմից կազմված «Հայաստանի օրինակով մրցակցության օրենքի և քաղաքականության վերաբերյալ կամավոր փորձագիտական գնահատման զեկույցի» արդյունքների ներկայացմանը, և «Գերիշխող դիրք. խնդիրները և հետևանքները» թեմայով սեմինար: Համաժողովի ընթացքում ներկայացվեց Հայաստանում տնտեսական մրցակցության պաշտպանության անցած ուղին, առկա խնդիրները, ձեռքբերումները և հետագա քայլերը, ինչպես նաև` այլ երկրների համանման մարմինների փորձը և միջազգային փորձագետների գնահատականները: Միջազգային կոնֆերանսի անցկացումը Հայաստանում հատկանշական է, քանի որ այս տարին ՀՀ ՏՄՊՊՀ-ի համար հոբելյնական է: Հանձնաժողովը նշում է հիմնադրման 10-ամյակը: Համաժողովի բացմանը ներկա էին և ողջույնի խոսքով հանդես եկան ՀՀ վարչապետ Տիգրան Սարգսյանը, ՄԱԿ-ի Առևտրի և զարգացման հարցերով համաժողովի գլխավոր քարտուղար Սուպաչայ Պանիտչպակդին, ԱՊՀ անդամ պետությունների Հակամենաշնորհային քաղաքականության միջպետական խորհրդի քարտուղարության ղեկավար Ազամ Ուսմանով, ՀՀ ՏՄՊՊՀ նախագահ Ա. Շաբոյանը: ՀՀ վարչապետ Տ. Սարգսյանն իր ելույթում մասնավորապես ասաց. «Հայաստանի նման անցումային, շուկայական տնտեսության ձևավորման փուլում գտնվող երկրների համար մրցակցությունն ունի կարևոր նշանակություն, և իշխանությունների գործունեության համար մեկ թիրախը հանդիսանում է մրցակցային դաշտը: Այս տեսակետից խիստ կարևորվում է ՏՄՊՊՀ-ի դերը, բայց մյուս կողմից, հասկանալի է, որ այս խնդիրը ՏՄՊՊՀ-ն չի կարող մենակ լուծել»: Վարչապետը շեշտեց, որ անհրաժեշտ է բացահայտել այն խնդիրները, որոնք խարխլում են մրցակցությունը: Ըստ նրա, կան մի քանի հանգամանքներ` հարկային և մաքսային ոլորտի վարչարարություն, բոլոր տնտեսվարող սուբյեկտների համար հավասար պայմանների ապահովում, կոռուպցիոն ռիսկերի նվազեցում: Առկա խնդիրների լուծման համար ՀՀ վարչապետը կարևորեց ՀՀ տնտեսական մրցակցության պաշտպանության հանձնաժողովի աշխատանքների արդյունավետության, ինսիտուցիոնալ կարողությունների բարձրացմանն, ինչպես նաև օրենսդրության հետագա բարելավմանն ու դրա կիրակմանն ուղղված միջոցառումների իրականացումը: ՄԱԿ-ի Առևտրի և զարգացման հարցերով համաժողովի կողմից կազմված «Հայաստանի օրինակով մրցակցության օրենքի և քաղաքականության վերաբերյալ կամավոր փորձագիտական գնահատման զեկույցի» արդյունքների ներկայացման և Հանձնաժողովի հոբելյանական միջոցառումներին մասնակցելու համար Հայաստանում է նաև ՄԱԿ-ի Առևտրի և զարգացման հարցերով համաժողովի գլխավոր քարտուղար Սուպաչայ Պանիտչպակդին: Վերջինը գլխավորում էր Առևտրի համաշխարհային կազմակերպությունն այն տարիներին, երբ Հայաստանն անդամակցեց միջազգային այդ կառույցին և մեծապես աջակցել է մեր երկրին այդ գործում:
Յուրաքանչյուր 5 տարին մեկ ՄԱԿ-ի համաժողովում քննարկվում է որևէ կոնկրետ երկրի մրցակցային իրավիճակը, որի արդյունքում միջազգային կազմակերպությունները լուրջ աջակցություն են ցուցաբերում տվյալ երկրի մրցակցային իրավիճակի բարելավմանը: ՄԱԿ-ի 6-րդ համաժողովում, 2010 թվականին, Համաժողովի աշխատանքային մեկ օր նվիրվել է Հայաստանի մրցակցային իրավիճակի, ձեռնարկված բարեփոխումների ներկայացմանն ու քննարկմանը: Հայաստանում մրցակցային իրավիճակի բարելավմանն ուղղված համալիր զեկույցի նախապատրաստման նպատակով նախապես Հայաստան էին ժամանել ՄԱԿ-ի փորձագետներ: Զեկույցի հեղինակները բարձր են գնահատել Հայաստանի կողմից ձեռնարկված քայլերը: Փորձագիտական առաջարկներին արագ և արդյունավետ արձագանքելու համար Հայաստանի օրինակը ճանաչվել է լավագույնը:
Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում են Կիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ Եվրահանձնաժողովի գլխավոր տնօրենը կժամանի Հայաստան Այցը տարածաշրջանային է |