  Այսօր երեկոյան Երևանում 12-րդ անգամ կանցնի Ջահերով երթը դեպի Ծիծեռնակաբերդ 23 ապրիլի 2011 - 13:37 AMT PanARMENIAN.Net - Այսօր երեկոյան արդեն 12-րդ անգամ Երևանում կկայանա Ջահերով երթը դեպի Հայոց Ցեղասպանության զոհերի հուշահամալիր Ծիծեռնակաբերդ: Ինչպես հայտնեց ՀՅԴ Հայաստանի երիտասարադական միության ներկայացուցիչ Արթուր Ղազարյանը, այս տարի Ջահերով երթի մեկնարկը կտրվի Արամ Խաչատրյանի արձանի մոտից ժամը 20:00: Մինչ այդ, ժամը 19:00 ելույթով հանդես կգան ԱԺ ՀՅԴ խմբակցության ղեկավար Վահան Հովհաննիսյանը, ՀՅԴ երիտասարդական թևի ներկայացուցիչներ: “Այս տարի Ջահերով երթին պաշտոնապես կմասնակցեն Հայաստանում բնակվող ազգային փոքրամասնությունները ներկայացնող երիտասարդներ, քանի որ իրենց ազգերն էլ տուժել ու ցեղասպանության ենթարկվել Օսմանյան կայսրությունում”,- ասաց Արթուր Ղազարյանը: Նրա խոսքով, տարեցտարի Ջահերով երթին ավելի շատ երիտասարդ է մասնակցում` անկախ կուսակցական պատկանելիությունից: Ղազարյանը նշեց, որ եթե 12 տարի առաջ Երևանում Ջահերով երթին մասնակցել է 100-150 հոգի, ապա այս տարի նախատեսվում է, որ մասնակիցների թիվը կհասնի 10-15 հազարի: “Այս տարի Հայաստանի 13 քաղաքաներում, ինչպես նաև Ստեփանակերտում 7s կանցկացվի Ջահերով երթը: Երթի ժամանակ հայ երիտասարդները կրկին կոչ կանեն աշխարհին ճանաչել ու դատապարտել Հայոց Ցեղասպանությունը, ինչպես նաև կպահանջեն մեր իշխանություններից գերեզմանել հայ-թուրքական Արձանագրություննեը: Ոչ մի’ զիջում թուրքերին”,- նշեց ՀՅԴ Հայաստանի երիտասարադական միության ներկայացուցիչը: Արթուր Ղազարյանի կարծիքով, երթին մասնակցող 16-18 տարեկան երիտասարդները անկախ Հայաստանի սերունդն են: “Եթե երիտասարդը ջահը ձեռքին անձրևի տակ քայլում է դեպի Ծիծեռնակաբերդ, դա նշանակում է, որ նա պահանջատեր է իր պատմական հայրենիքի վերականգման համար: Ապրիլի 24-ը սգո, հիշատակի օր է հայ ժողովրդի համար, իսկ ապրիլի 23-ը` պայքարի օր”,- ասաց Արթուր Ղազարյանը: Բաղրամյան-Օրբելի-Կիևյան ուղղությամբ երիտասարդները կբարձրանան Ծիծեռնակաբերդի հուշահամալիր, որտեղ խունկ կծխեցվի 1915 թվականի անմեղ զոհերի հիշատակին:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
