ՀԲ. 2025 թվականին չինական յուանը կմրցակցի ամերիկյան դոլարի հետ

18 մայիսի 2011 - 10:24 AMT

PanARMENIAN.Net - 2025 թվականին զարգացող տնտեսությամբ վեց խոշոր երկրներին` Բրազիլիային, Չինաստանին, Հնդկաստանին, Ինդոնեզիային, Հարավային Կորեային և Ռուսաստանին բաժին կընկնի ողջ գլոբալ աճի կեսից ավելին, իսկ դոլարը կկորցնի իր գերակա դիրքերը` որպես միասնական համաշխարհային արժույթ: Այդ մասին ասվում է Համաշխարհային բանկի «Զարգացման գլոբալ հորիզոններ 2011 – Մուլտիբևեռացում. Նոր գլոբալ տնտեսություն» նոր զեկույցում:

Զեկույցի համաձայն, այդ երկրների տնտեսությունը տարեկան միջինը 4,7%-ով է աճելու 2011-ից 2025 թվականը, և նրանց ընդհանուր բաժինը համաշխարհային տնտեսության մեջ ներկայիս 36%-ից կհասնի 45%-ի: Զարգացած շուկաներն իրենց հերթին նույն ժամանակահատվածում կաճեն ընդամենը 2,3%-ով: «Զարգացած շուկաների արագ աճը տեղաշարժերի պատճառ է դարձել, ինչի հետևանքով տնտեսական աճի կենտրոնները բաշխվել են զարգացող և զարգացած երկրների միջև. դա իսկական մուլտիբևեռացված աշխարհ է»,- մեջբերվում են Համաշխարհային բանկի` զարգացող երկրների հարցերով ավագ փոխնախագահ և գլխավոր տնտեսագետ Ջասթին Իֆու Լինի խոսքերը:

Բացի դրանից, տնտեսագետները կանխատեսում են, որ 2025 թվականին չինական յուանը շատ ավելի մեծ դեր է խաղալու միջազգային հարթակում և կմրցակցի ամերիկյան դոլարի հետ:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով