Հայաստանն ու Բելառուսը անհրաժեշտ պայմաններ են ստեղծում տնտեսվարող սուբյեկտների համագործակցության համար18 մայիսի 2011 - 18:02 AMT PanARMENIAN.Net - Մայիսի 18-ին Հայաստանի վարչապետ Տիգրան Սարգսյանի գլխավորած կառավարական պատվիրակությունը երկօրյա պաշտոնական այցով ժամանել է Բելառուսի Հանրապետություն: «Ինձ համար մեծ պատիվ է լինել այստեղ և քննարկել երկկողմ համագործակցության արդիական հարցեր: Երկու երկրների միջև գոյություն ունի տնտեսական համագործակցության լուրջ ներուժ, որը չի իրացվել»,- ասել է ՀՀ վարչապետ Տիգրան Սարգսյանը Բելառուսի Հանրապետության վարչապետ Միխայիլ Մյասնիկովիչի հետ հանդիպմանը և ընդլայնված կազմով բանակցություններին հաջորդած մամուլի ասուլիսում: Հայաստանի կառավարության ղեկավարի խոսքով` այսօր քննարկված նախագծերը բացում են նոր հեռանկարներ, որպեսզի տնտեսավարող սուբյեկտները տեղեկացված լինեն երկու երկրների հեռանկարային նախագծերի և գերակա ուղղությունների մասին: Բելառուսի վարչապետ Մյասնիկովիչն իր հերթին ընդգծել է, որ գլխավորն այն է, որ ստեղծվեն տնտեսվարող սուբյեկտների համար նորմալ և ակտիվ համագործակցության անհրաժեշտ պայմաններ: «Պետք է ստեղծենք իրավական պայմաններ: Մենք արձանագրեցինք զգալի, լուրջ առաջընթաց` համապատասխան ենթակառուցվածքների ստեղծման ուղղությամբ` համատեղ ձեռնարկությունների, առևտրի կենտրոնների միջոցով»,- ասել է նա: Հանդիպման արդյունքներով Հայաստանի և Բելառուսի կառավարությունների միջև մի շարք փաստաթղթեր են ստորագրվել օդային տրանսպորտի, ԱԻ, սպորտի և զբոսաշրջության ոլորտներում: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |