Ահմադինեժադը վստահ է, որ «արաբական ախտանիշն» Իրանին չի սպառնում 4 օգոստոսի 2011 - 21:20 AMT PanARMENIAN.Net - Իրանում տեղ գտած իրադարձությունները ոչ մի ընդհանուր բան չունեն ներկայումս արաբական երկրներում կատարվող դեպքերի հետ, Euronews հեռուստաալիքին տված հարցազրույցում ասել է Իրանի նախագահ Մահմուդ Ահմադինեժադը: «Այն, ինչ տեղի է ունեցել Իրանում, նման չէ որոշակի երկրներում կատարվող իրադարձություններին,- ասել է Ահմադինեժադը` պատասխանելով հարցին այն մասին, թե արդյոք Իրանում կարող է կրկնվել «արաբական գարունը»: - Նախագահական ընտրություններն Իրանում բացարձակ ազատ էին: Սակայն հարձակումները շենքերի և ավտոմեքենաների վրա օրենքով արգելված են ցանկացած երկրում: Դրա վրա առաջին հերթին ուշադրություն են դարձնում ոստիկանությունն ու դատական համակարգը»: Ահմադինեժադի խոսքով, Իրանի կառավարությունը ցավում է, որ որոշ երկրների առաջնորդներն այնքան վատ հարաբերություններ ունեն իրենց ժողովրդի հետ, որ դա հանգեցնում է նման արդյունքների: «Ես հիասթափված եմ համաշխարհային կարգերից, որոնք որոշ կառավարություններ ժողովրդից այն աստիճանի են հեռացնում, որ մարդիկ ազատության որոնումներում ստիպված են իրենց առաջնորդների հանդեպ դատ պահանջել»,- ասել է նա: Իրանական ընդդիմադիրներների` տնային կալանքում գտնվող առաջնորդներ Միր-Հոսսեյն Մուսավիի և Մեհդի Քարրուբիի ճակատագրի մասին հարցին Ահմադինեժադը պատասխանել է, որ «բանտեր կան ցանկացած երկրում»: «Բանտեր կան ամենուրեք: Այդ մարդիկ խնդիրներ ունեն օրենքի հետ: Իրանում դատական համակարգն անկախ է գործում, և ես իրավունք չունեմ միջամտելու դատավարությանը: Գոյություն ունեն կանոններ, որոնցով հնարավոր է փոխգործակցել դատական համակարգի հետ»: 2009 թվականին Թեհրանում հզոր ընդդիմադիր ալիք բարձրացավ հունիսի 12-ին կայացած նախագահական ընտրությունների արդյունքների հայտարարումից հետո: Ընտրություններում հաղթանակ տարավ գործող նախագահ Մահմուդ Ահմադինեժադը, և պարտված թեկնածուներից մեկը` Միր-Հոսսեյն Մուսավին, իշխանությանը մեղադրեց քվեարկության արդյունքները կեղծելու մեջ և ժողովրդին կոչ արեց բողոքի ցույցեր անցկացնել: Պաշտոնական տվյալներով, բախումների արդյունքում սպանվեց 20 մարդ, իսկ ոչ պաշտոնական տվյալներով` 150: Ձերբակալվեցին 1032 ցուցարարներ, որոնց մեծամասնությունը հետագայում ազատ արձակվեց: 2011թ. փետրվարի կեսերին Թեհրանում և իրանական այլ քաղաքներում ցույցեր կայացան` ի օժանդակություն Եգիպտոսի և Թունիսի ժողովուրդների: Նույն ժամանակ իրանական ընդդիմադիրներների առաջնորդներ Մուսավին և Քարրուբին տնային կալանքի ենթարկվեցին: Իրանի նախկին նախագահ Մոհամմեդ Հաթեմին նույնպես տնային կալանքի մեջ է, ինչպես և երկրի ներքին գործերի նախկին նախարար Աբդուլլահ Նուրին:
Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |