  «Արևելյան գործընկերության» շրջանակում Երևանում կկայանա Եվրոպական շարժման կոնգրեսը  16 սեպտեմբերի 2011 - 16:14 AMTPanARMENIAN.Net - Հոկտեմբերի 20-21 Երևանում կկայանա «Արևելյան գործընկերության նախագծում քաղաքացիական հասարակության դերի ավելացումը» խորագրով կոնգրես: Այդ մասին լրագրողներին է հաղորդել Եվրոպական շարժման հայկական գրասենյակի ղեկավար Վիկտոր Ենգիբարյանը: «Կոնգրեսի հիմնական նպատակը Արևելյան գործընկերության մասնակից երկրների խորհրդարանականների կողմից մի շարք խնդիրների քննարկումն է»,- նշել է նա: Այդպես, Ենգիբարյանի խոսքով, խորհրդաժողովի օրակարգում ընդգրկված են արտոնագրի ռեժիմի պարզեցման, ներքաղաքական բարեփոխումների և եվրաինտեգրացիայի գործընթացում քաղաքացիական հասարակությունների դերի ավելացման հարցերը: Կոնգրեսի բացման արարողությանը ներկա կգտնվեն ՀՀ նախագահ Սերժ Սարգսյանն ու ԵՄ արտաքին հարցերի հանձնակատար Քեթրին Էշթոնը, որը Հայաստան է այցելելու հենց կոնգրեսին մասնակցելու նպատակով: Աշխատանքների ավարտին Երևանյան հռչակագիր կընդունվի: Խորհրդաժողովին կմասնակցեն Արևելյան գործընկերության բոլոր երկրների պատվիրակությունները, այդ թվում` Ադրբեջանի: Ինչպես նշել է Ենգիբարյանը, հայկական պատվիրակությունը մտադիր է բարձրացնել «Արևելյան գործընկերության» շրջանակում հակամարտական գոտիների ֆինանսավորման հարցը` ենթադրելով նաև Արցախի ֆինանսավորումը: «Արևելյան գործընկերություն» նախագիծը, որը ստեղծվել է Եվրոպական միության կողմից, ներկայացվել է Լեհաստանի ԱԳՆ ղեկավարի կողմից Շվեդիայի մասնակցությամբ 2008-ին ընդհանուր հարցերի և արտաքին կապերի վերաբերյալ ԵՄ խորհրդում: «Արևելյան գործընկերությանը» մասնակցում են Հայաստանը, Ադրբեջանը, Վրաստանը, Մոլդովան, Ուկրաինան և Բելառուսը:  Ուշագրավ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Իրանի նախագահի և նրան ուղեկցող անձանց հուղարկավորությունը տեղի կունենա մայիսի 21–ին Այլ մանրամասներ չեն ներկայացվում   Ամենաընթերցվողը բաժնում |  Վերջին լուրեր Հնագիտական հուշարձանների տարածքում, այդ թվում՝ Կարմիր բլուրում, պեղումների թույլտվություններ են տրվել  Խոսքը 32 հուշարձանի մասին էՓոխվարչապետ․ «Զվարթնոցի» նոր տերմինալի նախագիծ կա, բայց բարդություններ կան Նա նշել է, որ նոր տերմինալի նախագծի արժեքը մոտ 450 մլն եվրո է կազմում«Երևանի ավտոբուսի» վարորդները գործադուլ են անում․ Քաղաքապետարանը դա համարում է սաբոտաժ Վարորդները բողոքում են նոր ղեկավարության դեմԻռլանդիան, Նորվեգիան և Իսպանիան պաշտոնապես ճանաչել են Պաղեստինը Իսրայելը հետ է կանչել այդ երկրներում իր դեսպաններին խորհրդակցությունների համար |
