Հարավկովկասյան երկաթուղու բեռնափոխադրումների ծավալը հունվար-օգոստոս ամիսներին աճել է 4,3 տոկոսով

28 սեպտեմբերի 2011 - 16:42 AMT

PanARMENIAN.Net - Համաձայն վիճակագրական տվյալների՝ 2011 թ. հունվար-օգոստոս ամիսներին «Հարավկովկասյան երկաթուղի» ՓԲԸ բեռնափոխադրումների ծավալը կազմել է 2036,1 հազար տոննա, ինչը 4,3% գերազանցում է 2010 թ. նույն ժամանակահատվածի ցուցանիշը:

2011 թ. ութ ամիսների ընթացքում բեռնափոխադրումների փաստացի ցուցանիշը 7,6% գերազանցեց բեռնափոխադրումների նախատեսված ծավալը /1893,1 հազար տոննա/:

Արտահանման հաղորդակցությունում ՀԿԵ-ի բեռնափոխադրումների ծավալը հունվար-օգոստոսին կազմել է 274,8 հազար տոննա, ինչը 27,1% գերազանցեց 2010 թ. նույն ժամանակահատվածի ցուցանիշը:

Ներմուծման հաղորդակցությունում 2011 թ. ութ ամիսների ընթացքում տեղափոխվել է 836,7 հազար տոննա բեռ: Բեռնափոխադրումների փաստացի ցուցանիշը 11,9% պակաս է 2010 թ. նույն ժամանակահատվածի ցուցանիշից:

Տեղական հաղորդակցությունում 2011 թ. հունվար-օգոստոսին փոխադրվել է 924,6 հազար տոննա բեռ, ինչը 17,6% գերազանցում է 2010 թ. նույն ժամանակահատվածի ցուցանիշը:

Ինչպես արդեն նշել էր «Հարավկովկասյան երկաթուղի» ՓԲԸ գլխավոր տնօրեն Շևկետ Շայդուլլինը, ընկերությունն անցած տարի կատարել է իր առջև դրված խնդիրները, և հիմնական ցուցանիշների աճը՝ այդ թվում նաև բեռնափոխադրումների ծավալների աճը շարունակվում է նաև 2011-ին: Տնօրենը նշել է, որ նման արդյունքները վկայում են ընկերության ճկուն սակագնային քաղաքականության մասին, որը բերում է բեռների արժեքում տրանսպորտային ծախսերի կրճատմանը:

«Եթե երկու տարի առաջ երկաթուղային բեռնափոխադրումների բաժինը բեռնափոխադրումների ընդհանուր ծավալում կազմում էր 22%, ապա այժմ այն հասել է 35%: Մենք շարունակում ենք պայքարել երկաթուղի բեռների նոր ծավալների ներգրավման համար, զարգացնելով լոգիստիկան և դիվերսիֆիկացնելով մեր բիզնեսը: Նոր տեխնոլոգիաների ներդրումը թույլ է տալիս ապահովել մատուցվող ծառայությունների նոր որակը, ներգրավել բեռների նոր ծավալներ, բարձրացնել երկաթուղային փոխադրումների մրցունակությունը ավտոմոբիլայինի հետ համեմատ», - հայտարարել է ՀԿԵ գլխավոր տնօրենը, հաղորդում է ընկերության մամլո ծառայությունը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով