Հայաստանի պետգույքի վարչության նոր պետը ձեռնամուխ է եղել իր գլխավորած կառույցի արդյունավետության բարձրացմանը19 հոկտեմբերի 2011 - 13:44 AMT PanARMENIAN.Net - Հայաստանի պետական գույքի կառավարման վարչությունը մշակել և շրջանառության մեջ է դրել «Պետգույքի կառավարման մասին» օրենքի նոր նախագիծը, հոկտեմբերի 19-ին լրագրողներին է հայտնել պետկառույցի նորանշանակ պետ Արման Սահակյանը: Ըստ նրա, նոր օրինագիծը մշակել են վարչության մասնագետները, իսկ նրա ընդունումը թույլ կտա բարձրացնել կառավարման արդյունավետությունը, հաշվառել այն, ինչպես նաև թափանցիկ քաղաքականություն վարել այդ ոլորտում: Վարչության պետը հավելել է, որ Վարչության աշխատանքի թափանցիկությունն ապահովելու ուղիներից մեկը էլեկտրոնային աճուրդի համակարգի ներդրումն է ու էլեկտրոնային վարձակալության օգտագործման հնարավորությունը: Դա թույլ կտա ավելի շատ շահագրգիրռ կողմերի ներգրավել, այդ թվում օտարերկրյա քաղաքացիների, որոնք կկարողանան մասնակցել աճուրդներին: Վարչության գերակա խնդիրներից է պետական անշարժ գույքի նկատմամբ սեփականության իրավունքների և պետական ոչ առևտրային ու այլ կազմակերպություններին պետական անշարժ գույքի նկատմամբ օգտագործման իրավունքների գրանցման ապահովումը: 2011թ. հունվարի 1-ի դրությամբ պետգույքի հաշվառման գրանցմատյանում հաշվառված է 4223 անվանում անշարժ գույք, որից 703-ը դեռ չունի սեփականության իրավունքի պետական գրանցում: 2011թ. 1-ին կիսամյակում իրականացվել է 188 միավոր պետական անշարժ գույքի նկատմամբ սեփականության իրավունքի պետական գրանցում, 81 պետական ոչ առևտրային կազմակերպության հետ կնքվել է անհատույց օգտագործման պայմանագիր և ապահովվել պետական գրանցումը: Բացի այդ, վարչությունը աշխատում է համայնքների վարչական սահմաններում գտնվող պետական շենք, շինությունների տակ գտնվող, ինչպես նաև դրանց սպասարկման և օգտագործման համար անհրաժեշտ հողամասերի նկատմամբ գույքային իրավունքների հստակեցման ուղղությամբ: Ինչպես ասել է Արման Սահակյանը, վարչությունը էկոնոմիկայի նախարարություն է ներկայացրել 2010թ. ֆինանսատնտեսական դիտարկումների հիման վրա շահույթով աշխատող 75 առևտրային կազմակերպությունների ցանկը, որոնցում առաջարկվել է ներդնել կորպորատիվ կառավարման կանոնագիրքը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ Կաթողիկոսը ցավակցագիր է հղել Իրանի հոգևոր առաջնորդին Նա վշտակցություն է հայտնել զոհերի սգակիր ընտանիքներին և Իրանի ժողովրդին |