«ՀԿԵ» ՓԲԸ բեռնափոխադրումների ծավալը 2011 թվականի 10 ամիսների ընթացքում աճել է 8,4%-ով21 նոյեմբերի 2011 - 18:26 AMT PanARMENIAN.Net - Վերջին վիճակագրական տվյալների համաձայն, 2011թ. հունվար-հոկտեմբեր ամիսներին «Հարավկովկասյան երկաթուղի» ՓԲԸ բեռնափոխադրումների ծավալը կազմել է 2707,7 հազ. տոննա, ինչը 8,4%-ով գերազանցում է 2010թ. նույն ժամանակահատվածի ցուցանիշը: Ինչպես նշվում է ընկերության մամլո ծառայության հաղորդագրության մեջ, 2011թ. 10 ամիսների ընթացքում բեռնափոխադրումների փաստացի ցուցանիշը 9,3%-ով գերազանցեց բեռնափոխադրումների նախատեսված ծավալը` 2478,2 հազար տոննան: Արտահամնան հաղորդակցությունում ՀԿԵ-ի բեռնափոխադրումների ծավալը հունվար-հոկտեմբերին կազմել է 368,3 հազար տոննա, ինչը 33,8%-ով գերազանցեց 2010թ. նույն ժամանակահատվածի ցուցանիշը: Ներմուծման հաղորդակցությունում 2011թ. 10 ամիսների ընթացքում տեղափոխվել է 1151,8 հազ. տոննա բեռ, ինչը 3,1%-ով պակաս է 2010 թ. նույն ժամանակահատվածի ցուցանիշից: Տեղական հաղորդակցությունում 2011թ. հունվար-հոկտեմբերին փոխադրվել է 1187,6 հազար տոննա բեռ, ինչը 14,9%-ով գերազանցում է 2010 թ. նույն ժամանակահատվածի ցուցանիշը: «Ընկերությունում շարունակվում է գործունեության հիմնական ցուցանիշների աճը` այդ թվում նաև բեռնափոխադրումների ծավալների աճը: Նման արդյունքները վկայում են ընկերության ճկուն սակագնային քաղաքականության արդյունավետության մասին, ինչը բերում է բեռների արժեքում տրանսպորտային ծախսերի կրճատմանը»,- ասվում է հաղորդագրության մեջ:
Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ Կաթողիկոսը ցավակցագիր է հղել Իրանի հոգևոր առաջնորդին Նա վշտակցություն է հայտնել զոհերի սգակիր ընտանիքներին և Իրանի ժողովրդին |