ՌԴ, Հայաստանի և Ադրբեջանի հոգևոր առաջնորդները դիմել են Երևանին և Բաքվին՝ դիպուկահարներին առաջնագծից հեռացնելու խնդրանքով 28 նոյեմբերի 2011 - 14:59 AMT PanARMENIAN.Net - ԱՊՀ երկրների հոգևոր առաջնորդների հանդիպման շրջանակներում Երևանում ավարտվեց Ամենայն Հայոց կաթողիկոս Գարեգին Երկրորդի, Համայն Ռուսոի պատրիարք Կիրիլի և Ադրբեջանի հոգևոր առաջնորդ Շեյխ ուլ իսլամ Ալլահշուքյուր Փաշազադեի եռակողմ հանդիպումը: Ինչպես հայտարարել է Համայն Ռուսոի պատրիարքը, հանդիպումը կարճատև էր, սակայն շատ հաջող: «Մշակվել է հռչակագրի տեքստը, որը մենք այժմ վերջնականապես համաձայնեցրինք ու ընդունեցինք: Ես կցանկանայի նշել ամենակարևորը՝ երեք կողմերը հավատարմություն են հայտնում ղարաբաղյան հակամարտության խաղաղ կարգավորմանը և հայտարարում են, որ այդ լուծումը պետք է հիմնված լինի միջազգային իրավունքների սկզբունքների վրա»: Պատրիարքը նշել է նաև, որ առաջնորդները սատարում են ԵԱՀԿ ՄԽ ջանքերին: «Մենք խոսում ենք հրադադարի ռեժիմը պահպանելու մասին, որը թույլ է տալիս մարդկանց լավատեսությամբ նայել ղարաբաղյան հակամարտության խաղաղ լուծմանը: Բացի այդ, հոգևոր առաջնորդները հադես եկան նախաձեռնությամբ՝ դիմել երկու երկրների ղեկավարությանը՝ թախանձագին խնդրելով հեռացնել դիպուկահարներին առաջնագծից, որպեսզի այլևս արյուն չհեղվի շփման գծում, որպեսզի այլևս մահեր չարձանագրվեն»: Ըստ պատրիարքի, հրաժարումը ուժի կիրառումից պետք է ներառի բոլոր թվարկված տարրերը: Ըստ նրա, եթե արյուն չհեղվի, կփոխվի բարոյական և հոգեբանական մթնոլորտը, ինչը նոր հեռանկարներ կբացի հակամարտության խաղաղ կարգավորման համար: «Մենք հարգանքով ու վստահությամբ ենք վերաբերվում Հայաստանի և Ադրբեջանի նախագահների մասնակցությանը խաղաղ բանակցություններին և աղոթում ենք, որ ինչպես երկու երկրների ղեկավարության, այնպես էլ ժողովրդների փոխհարաբերությունները քայլ առ քայլ դեպի լավը գնան»,-հավելել է նա: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Կոնգրեսում կոչ են արել $200 մլն հատկացնել ԼՂ-ից տեղահանվածներին և օգնել ՀՀ–ին պաշտպանվել Ադրբեջանի ագրեսիայից Նրանք նաև կոչ են արել դադարեցնել Ադրբեջանին ցանկացած ռազմական օգնության Ոստիկանները փակել են Կիրանցի ճանապարհը․ Բագրատ Սրբազանին նույնպես թույլ չեն տալիս մտնել գյուղ Սրբազանն, անդրադառնալով վարչապետի հարցազրույցին, ասել է, թե վերջինս «ծայրից ծայր սուտ է ասում» ՆԳՆ-ն հերքում է լուրերը, թե Տավուշից բերման ենթարկվածներին ծեծել են Նշվում է, որ տեղեկությունը չի համապատասխանում իրականությանը Բագրատ Սրբազան. Հայաստանի կառավարությունն ու իր ղեկավարն անցել են ահաբեկnւթյան և տեռnրի Ավելի ուշ հայտնի դարձավ, որ ոստիկանները նրան թույլ չեն տալիս մտնել Կիրանց |