 Արդարադատության նախարարությունը մտադիր է 10 տոկոսով նվազեցնել մահացությունը կալանավայրերում  17 դեկտեմբերի 2011 - 13:53 AMTPanARMENIAN.Net - Հայաստանի արդարադատության նախարարությունը մտադիր է համապատասխան միջոցներ ձեռնարկել քրեակատարողական հիմնարկներում մահացության մակարդակը 10 տոկոսով նվազեցնելու համար: Այդ մասին լրագրողներն է հայտնել ՀՀ արդարադատության նախարար Հրայր Թովմասյանը՝ ներկայացնելով 2012թ. նախարարության ծրագիրը: «2010թ. քրեակատարողական հիմնարկներում մահացել է 37 մարդ, իսկ 2011թ.՝ 26, այսինքն մահացությունը քրեակատարողական հիմնարկներում նվազել է 7 տոկոսով»,-հայտնել է Հրայր Թովմասյանը: Եկող տարի նախարարությունը մտադիր է նաև նվազեցնել հանցագործությունների քանակը 10 տոկոսով, ինչն, ըստ Թովմասյանի, ուղղակիորեն կապված է քրեակատարողական հիմնարկների պայմանների հետ: «Այսօրվա պայմաններում տարբեր աստիճանի ծանրության հանցագործությունների համար դատապարտված քաղաքացիները նույն վայրում են գտնվում, ինչն ավելացնում է կրկնահանցագործությունների մակարդակը, քանի որ նույն վայրում գտնվելով նրանք ուղղվելու փոխարեն, տեղի է ունենում այսպես ասած «փորձի փոխանակում»: Արմավիրում նոր քրեակատարողական հաստատության կառուցումն ավարտելուց հետո հնարավոր կդառնա ճիշտ բաշխել դատապարտյալներին»,-ասել է նախարարը՝ հավելելով, որ նոր հաստատությունը լիովին կհամապատասխանի միջազգային չափանիշներին: Միևնույն ժամանակ շինարարությանը զուգահեռ, ըստ նախարարի, բարեփոխումներ են իրականացվում քրեակատարողական գործող հաստատություններում:  Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
