Ավտովարորդների իրավունքների պաշտպանության «Աքիլես» կենտրոնի համար 2011թ աշխատատար էր20 դեկտեմբերի 2011 - 14:33 AMT PanARMENIAN.Net - 2011թ Ավտովարորդների իրավունքների պաշտպանության «Աքիլես» հասարակական կազմակերպության համար շատ լարված և աշխատատար էր, Երևանում դեկտեմբերի 20-ին կայացած մամուլի ասուլիսում հայտարարել է կառույցի նախագահ Էդուարդ Հովհաննիսյանը: Նրա խոսքով, այս տարվա ընթացքում իրականացվել են մի քանի ծրագրեր, որոնք ուղղված են վարորդների իրավունքների պաշտպանությանը: Մասնավորապես, կենտրոնի աշխատակիցները վերապատրաստվել են Սլովակիայում և Ավստրիայում` 3D ձևաչափի PC CRUSH ծրագրով: Նա մանրամասնել է, որ այդ ծրագիրը մոնիտորի վրա արտացոլում է մեքենաների տեղակայությունը, դեպքի վայրը և ՃՏՊ մի շարք այլ մանրամասներ: «Մենք փորձում ենք այս լիցենզիոն ծրագիրն ներդնել նաև Հայաստանում:Գլխավորն այն է, որ ծրագիրը թույլ է տալիս հաշվարկել մեքենայի արագությունը նախքան միջադեպը, ինչը չի կարող անել ՃՈ»,-մանրամասնել է նա: Այս առնչությամբ Էդուարդ Հովհաննիսյանը հավելել է, որ ՃՏՊ վերլուծության նոր մոտեցման շնորհիվ, արդեն տրվել են 6 եզրակացություններ, որոնցից 3 ընդունվել են դատարանի կողմից: Անդրադառնալով խնդիրներին, որոնք ծագում են ճանապարհատրանսպորտային ոլորտում, վարորդների իրավունքների պաշտպանը նշեց, որ անհրաժեշտ է կարգավորել վարորդների և տեսուչների միջև հարաբերությունները, քանի որ չի եղել մի դեպք, որ վարորդը կարողանա պնդել իր իրավունքը: Նրա խոսքով, իրավիճակի բարելավման համար, մինչև 2012թ հունվարի 10 հիմնական խաչմերուկներում տեղադրվելու է 10 տեսախցիկ և արագության 15 հաշվիչներ, մասնակիորեն լուծվել են լուսակիրների խնդիրը, որոնք ճանապարհներին խցանումների պատճառ են դառնում: Ինչ ցերաբերում է ԱՊՊԱ-ի ներդրմանը, որը շուտով կդառնա 1 տարեկան, Էդուրդ Հովհաննիսյանը նշել է, որ այդ գործընթացը, ընդհանուր առմամբ, դրական է ազդել ՃՏՊ կողմերի վեճերի վրա, քանի որ բողոքների թիվը նվազել է: Խոսելով վարորդների դժգոհությունների մասին, նա առանձնացրել է այն փաստը, որ փոխհատուցման գումարը երբեմն ուշանում է, ինչպես նաև բողոքներ են գալիս այն առնչությամբ, որ քաղաքացին ստիպված է վճարել 150 000 դրամ տուգանք նրա համար, որ չի ամրացրել ԱՊՊԱ-ի նոր կտրոնը և երթևեկել է հինով: Ուշագրավ Շենքի շուրջբոլորը ոստիկանությունը պատնեշներ է տեղադրել
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ Ուսանողների օրը՝ Բիբլոս Բանկ Արմենիայի կրթաթոշակ ստացած ուսանողների հետ ԵՊՀ 10 ուսանող ստացել է Բիբլոս Բանկ Արմենիայի անվանական կրթաթոշակ Ձերբակալվել է Վահագն Չախալյանը և ևս 4 անձ Նրանք կասկածվում են խմբակային խուլիգանություն կատարելու մեջ |