  Արցախի պաշտպանության նախարարը լրագրողներին ներկայացրել է 2011թ արդյունքները 22 դեկտեմբերի 2011 - 17:16 AMT PanARMENIAN.Net - Դեկտեմբերի 22-ին ԼՂՀ պաշտպանության նախարար, ՊԲ հրամանատար, գեներալ-լեյտենանտ Մովսես Հակոբյանը հանդիպեց Արցախում գործող զանգվածային լրատվամիջոցների ներկայացուցիչների հետ: Ինչպես հաղորդում է ԼՂՀ ՊՆ մամուլի ծառայությունը, արդեն ավանդական դարձած հանդիպման ընթացքում պաշտպանության նախարարը համառոտ ներկայացրեց 2011թ. բանակային տարում հանրապետության զինված ուժերում իրականացված գործընթացները, խոսեց այն ձեռքբերումների և թերացումների շուրջ, որոնք արձանագրվել են անձնակազմի մարտական և բարոյահոգեբանական պատրաստության ոլորտում, անդրադարձավ զինծառայողների սոցիալ-կենցաղային պայմանների բարելավման, բանակ-հասարակություն փոխադարձ կապի ամրապնդման ուղղությամբ կատարված աշխատանքներին: Ներածական խոսքից հետո պաշտպանության նախարարը պատասխանեց նաև լրագրողների հարցերին: Իսկ դրանք հիմնականում վերաբերում էին տարածաշրջանային ռազմաքաղաքական զարգացումներին, ղարաբաղա-ադրբեջանական հակամարտ զորքերի շփման գծում տիրող իրավիճակին, բանակի մարտական և զորահավաքային պատրաստության, անձնակազմի հետ տարվող աշխատանքների, ռազմահայրենասիրական դաստիարակության խնդիրներին և հարակից այլ թեմաների: Լրագրողների հետ ունեցած հանդիպումը եզրափակվեց նախարարի կողմից կազմակերպված նախատոնական հանդիսավոր ընդունելությամբ: Մ. Հակոբյանը ներկաներին շնորհավորելով գալիք ամանորի առիթով, նրանց մաղթեց անձնական ու աշխատանքային հաջողություններ և համոզմունք հայտնեց, որ բանակի և լրագրողների միջև այսուհետ ևս փոխհարաբերությունները կլինեն անկեղծ ու կառուցողական:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
