 Թաներ Աքչամ. Հայոց ցեղասպանության ժխտումը Թուրքիայում ինդուստրիա է  21 հունվարի 2012 - 11:42 AMTPanARMENIAN.Net - Ֆրանսիայի Ազգային ժողովում Հայոց ցեղասպանության ժխտումը քրեականացնող օրինագծի ընդունումը բացասական արձագանք ունեցավ Թուրքիայում, սակայն երկարաժամկետ առումով արձագանքը դրական կլինի: Նման կարծիք է հայտնել թուրք պատմաբան, ԱՄՆ Քլարքսի համալսարանի պրոֆեսոր Թաներ Աքչամը ֆրանսիական Le Monde-ին տված հարցազրույցում: «Դրական է այն, որ անկախ Հայոց ցեղասպանության հարցում Թուրքիայի դիրքորոշումից, միջազգային հանրությունը մշտապես հիշեցնելու է այդ մասին, ինչպես, օրինակ ֆրանսիական օրինագիծը»,-ասել է Աքչամը՝ հավելելով, որ Թուրքիային չի հաջողվի թաքցնել այն փաստը, որ նա «գլուխը թաղել է ավազի մեջ»: Ըստ Աքչամի, արտաքին ճնշումը ավելի շատ հնարավորություն կտա Թուրքիայի մտավորականներին պայքարել արդարության համար. «Միջազգային հանրությունը պետք է ուղղակի հասկանա, որ անհնար է փոխել Թուրքիայի դիրքորոշումը Ցեղասպանության հարցում միայն ներքին ներուժի հաշվին»: «Մարդիկ պետք է հասկանան, որ Թուրքիայի քաղաքականությունը ուղղակի ժխտողական քաղաքականություն չէ: Հայոց ցեղասպանության ժխտումը Թուրքիայում ինդուստրիա է: Իշխանության բոլոր գերագույն ճյուղերը զբաղված են Ցեղասպանության վերաբերյալ փաստերի դեմ պայքարով: Դուք բախվում եք ոչ թե ժխտման քաղաքականության հետ, այլ ռեվիզիոնիստական ռեժիմի»,-ասել է Աքչամը՝ պատասխանելով թուրքական իշխանությունների դիրքորոշման մասին հարցին: Ըստ Աքչամի, այսօրվա աշխարհում, որտեղ չկա «ներքին» ու «արտաքին», Հայոց ցեղասպանության միջազգային ճանաչումն ու մարդկանց իրազեկվածությունն այդ հարցում պետք է առաջնային լինեն մարդկության համար: «Հանուն արդարության ու ճշմարտության» համար քարոզարշավը չպետք է խոչընդոտի «ազատության ու ժողովրդավարության համար» արշավին, դրանք պետք է զարգանան նույն հունով»: Ֆրանսիայի Սենատը օրինագիծը կքննարկի հունվարի 23-ին:   Ուշագրավ Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը   Ամենաընթերցվողը բաժնում |  Սյուժե Վերջին լուրեր Երևանում բոլոր բերման ենթարկվածներն ազատ են արձակվել  Վերջին տվյալներով ոստիկանության բաժիններ բերման էր ենթարկվել 151 քաղաքացիՄիրզոյան․ Ադրբեջանի ԱԳ նախարարի հետ բանակցությունները կառուցողական էին Նա հավելել է, որ գործընթացը շարունակվում էՄԻՊ ներկայացուցիչներն այցելել են «Զվարթնոցում» հացադուլ հայտարարած Նիկոլյանին Նիկոլյանը բարձրացրել է մի շարք հարցեր, որոնք ՄԻՊ ներկայացուցիչները քննարկել են իրավասու մարմինների հետ |
