  Հ. Սահակյան. Ընտրությունների ելքը կախված է նրանից, թե կուսակցություններն ինչպես կանցկացնեն քարոզարշավը  26 մարտի 2012 - 16:38 AMTPanARMENIAN.Net - Այսօր կայացած մամլո ասուլիսում իշխող Հայաստանի Հանրապետական կուսակցության խորհրդարանական խմբակցության անդամ Հովհաննես Սահակյանը հայտարարել է, որ «Հայաստանի եվրոպացի բարեկամների» կողմից անցկացված սոցիոլոգիական հարցման արդյունքները չի կարելի վերջնական համարել: Սահակյանի կարծիքով, նախընտրական քարոզարշավից առաջ անցկացված հարցումը չի արտացոլում այն իրավիճակը, որը կլինի քվեարկությունից մեկ շաբաթ կամ 10 օր առաջ: «Հանրապետական կուսակցությունը միշտ բարձրացնում է իր վարկանիշը նախընտրական քարոզարշավը սկսելուց հետո»,- հայտարարել է Սահակյանը: Նրա կարծիքով, ամենակարևորը կլինի այն, թե ինչպես կմոտենան կուսակցություններն իրենց քարոզարշավներին, հենց դա շատ դեպքերում կորոշի արդյունքը: «Հայաստանի եվրոպացի բարեկամներ» միջազգային հասարակական կազմակերպության 2012թ. փետրվարի 29-ից մարտի 5-ը անցկացրած հետազոտության համաձայն, ներկայումս նախընտրական մրցավազքի առաջատարը «Բարգավաճ Հայաստան» կուսակցությունն է (ԲՀԿ) է 41 տոկոսով՝ կողմնորոշված ընտրողների թվում: Երկրորդ տեղում է Հայաստանի Հանրապետական կուսակցությունը 37 տոկոսով: Մեծ տարբերությամբ, ՀՀԿ-ին հաջորդում են ՀՅԴ-ն՝ 5 տոկոս, ՀԱԿ՝ 4,8 տոկոս, «Օրինաց երկիրը»՝ 4,5 տոկոս և «Ժառանգությունը»՝ 3,9 տոկոս:  Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
