Հայաստանի ԱԳ նախարարը իր հունգարացի գործընկերոջն է ներկայացրել ղարաբաղյան գործընթացի վերջին զարգացումները31 հոկտեմբերի 2007 - 14:56 AMT PanARMENIAN.Net - Հայաստանը պատրաստ է խորացնել երկկողմ հարաբերությունները Հունգարիայի հետ բոլոր ոլորտներում: Այդ մասին հայտարարել է ՀՀ ԱԳ նախարար Վարդան Օսկանյանը իր հունգարացի գործընկեր Քինգա Գյոնցի հետ հանդիպման ժամանակ: Նրա խոսքերով, Հայաստանը երախատապարտ է Հունգարիայի իշխանությունների կողմից հայկական համայնքի պահպանման եւ զարգացման համար ստեղծված նպաստավոր պայմանների համար: Նախարարը հավաստիացրեց Հայաստանի պատրաստակամությունը Հունգարիայի հետ բոլոր ոլորտներում խորացնելու երկկողմ հարաբերությունները: Կարեւորվեց Հայաստան-ԵՄ Գործողությունների ծրագրի շրջանակում Հունգարիայի հետ գործակցության հնարավորությունը: Քինգա Գյոնցը շեշտեց, որ պաշտոնական Բուդապեշտը քաջալերում է արեւելյան ուղղության ակտիվացման ԵՄ ջանքերը: Նախարարները քննարկեցին տնտեսական համագործակցության ակտիվացման հնարավորությունները` նշելով դեղագործությունը, տեղեկատվական տեխնոլոգիաները, տուրիզմը` որպես առաջնային ոլորտներ, որտեղ առկա է գործակցության զգալի ներուժ: Այս համատեքստում ձեռք բերվեց պայմանավորվածություն` նպաստելու երկու երկրների իրավապայնագրային դաշտի համալրմանը: Տեղի ունեցավ մտքերի փոխանակում միջազգային խնդիրների, տարածաշրջանային զարգացումների, հարեւան պետությունների հետ հարաբերությունների վերաբերյալ: Հունգարիայի ԱԳ նախարարը ներկայացրեց իր երկրի դիրքորոշումը Կոսովոյի հիմնահարցի վերաբերյալ, Վարդան Օսկանյանն էր խոսեց Լեռնային Ղարաբաղի խաղաղ գործընթացի վերջին զարգացումների մասին: Օրվա երկրորդ կեսին նախատեսվում է նախարար Օսկանյանի ելույթը Բուդապեշտի Կենտրոնական եվրոպական համալսարանում (CEU), որը կունկնդրեն Հունգարիայում հավատարմագրված դեսպանությունների, հունգարահայ համայնքի ներկայացուցիչներ, համալսարանի ուսանողադասախոսական կազմը, լրագրողներ: Երեկոյան նախատեսված է նախարար Օսկանյանի հանդիպումը Հունգարահայ ազգային ինքնավարության վարչության անդամների հետ: Վարդան Օսկանյանը այցելելու է Հունգարիայի խորհրդարան, ուր տեղի կունենա հանդիպում խորհրդարանի Արտաքին հարաբերությունների մշտական հանձնաժողովի նախագահ Զորթ Նեմեթի հետ, հաղորդում է ՀՀ ԱԳՆ մամլո ծառայությունը: Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Ամենաընթերցվողը բաժնում | Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում Պարզեցվել է երկակի և ռազմական նշանակության ապրանքների ներմուծումն ու արտահանումը Կան բազմաթիվ ապրանքներ, որոնք ակնհայտորեն չեն կարող երկակի կամ ռազմական նշանակության լինել, բայց ենթարկվում էին փորձաքննության |